മലയാളത്തിലൂടെ തന്‍റെ സിനിമാ ജീവിതം ആരംഭിച്ച നടനായിരുന്നു കമല്‍ ഹാസന്. പഴയകാല മലയാള സിനിമാ താരങ്ങള്‍ക്ക് അന്നത്തെ ആ യുവ താരം കമല്‍ ഹാസനെക്കുറിച്ച് ഒട്ടേറെ രസകരമായ അനുഭവങ്ങള്‍ തുറന്നു പറയാനുണ്ട്‌. അദ്ദേഹത്തിനൊപ്പം നിരവധി സിനിമകളില്‍ അഭിനയിച്ച നടി ശ്രീലത നമ്പൂതിരി കമല്‍ ഹാസനുമായി ബന്ധപ്പെട്ട മറ്റൊരു ഞെട്ടലിന്റെ കഥ പങ്കുവെയ്ക്കുകയാണ്.
പഴയകാല ചിത്രീകരണ നിമിഷങ്ങള്‍ ഓര്‍ക്കുമ്പോള്‍ കമല്‍ ഹാസനെ നേരിട്ട് കാണണമെന്നും അതൊക്കെ അദ്ദേഹത്തോട് വീണ്ടും പങ്കുവയ്ക്കണമെന്നും ആഗ്രഹം തോന്നിയിരുന്നു. അതൊക്കെ ഞാന്‍ നടന്‍ ജയസൂര്യയോട് പറഞ്ഞിട്ടുണ്ട്. അങ്ങനെ ജയന്‍ അഭിനയിച്ച ഒരു സിനിമയുടെ ഭാഗമായി കമല്‍ ഹാസന് ഇവിടെ ചിത്രീകരണത്തിനെത്തിയപ്പോള്‍ എന്റെ കാര്യം ജയസൂര്യ അദ്ദേഹത്തോട് പറഞ്ഞു. പിന്നീട് ജയസൂര്യ എന്നെ ഫോണില്‍ വിളിച്ചിട്ട്‌ കമല്‍ ഹാസന് ഫോണ്‍ കൈമാറുകയാണെന്ന് പറഞ്ഞു. ജയന്‍ എന്നെ അദ്ദേഹത്തിന്‍റെ ശബ്ദത്തില്‍ പറ്റിക്കുകയാണെന്നാണ് ആദ്യം കരുതിയത്. ‘താങ്കള്‍ കമല്‍ ഹാസന് ആണെങ്കില്‍ നമ്മുടെ പഴയകാല ചിത്രീകരണ വിശേഷങ്ങളിലെ ഏതെങ്കിലും ഒരു രസകരമായ അനുഭവത്തെക്കുറിച്ച് പങ്കുവയ്ക്കാമോ എന്ന്?’ ചോദിച്ചു,അതൊക്കെ അദ്ദേഹം വീണ്ടും പറഞ്ഞതോടെ ജയസൂര്യ എന്നെ പറ്റിക്കുകയല്ലെന്ന് മനസ്സിലായി’. ശ്രീലത നമ്പൂതിരി പറയുന്നു.
Post Your Comments