”കാറിനായി കാത്തുനിന്നു സമയം പോയി, ഒടുവിൽ ആരാധകന്റെ ഓട്ടോറിക്ഷയിൽ കയറി പോയി; രവീണ ടണ്ടൻ പങ്കുവച്ച വീഡിയോ വൈറൽ

അതിശക്തമായ കഥാപാത്രങ്ങളും അവിസ്മരണീയമായ ഒട്ടേറെ നിമിഷങ്ങളും പ്രേക്ഷകർക്ക് സമ്മാനിച്ച ബോളിവുഡ് സുന്ദരിയാണ് രവീണ ടണ്ടൻ. 90 കളിൽ ബോളിവുഡിലും തമിഴ്, തെലുങ്ക് ഭാഷകളിലും നിറഞ്ഞ് നിന്ന താരം ദേശീയ പുരസ്കാരമുൾപ്പെടെയുള്ളവ സ്വന്തമാക്കിയിട്ടുണ്ട്.

ബോളിവുഡ് താരസുന്ദരി രവീണ ടണ്ടന്‍ ഷെയര്‍ വീഡിയോയാണ് സോഷ്യല്‍ മീഡിയയില്‍ ട്രെന്‍ഡിംഗായിരിക്കുന്നത്. മുംബൈയില്‍ ഓട്ടോറിക്ഷയില്‍ യാത്ര ചെയ്യുന്ന വീഡിയോയാണ് താരം സോഷ്യല്‍ മീഡിയയില്‍ പങ്കുവെച്ചിരിക്കുന്നത്. രവീണയും മകള്‍ റാഷയും മരുമകളുടെ മെഹന്ദി ഫംഗ്ഷനായാണ് ഓട്ടോയില്‍ യാത്ര ചെയ്തത്.

ഏറെ നേരം ”കാറിനായി കാത്തുനിന്നു സമയം പോയി, മരുമകളുടെ മെഹന്ദി ഫംഗ്ഷന് ലേറ്റാവാതിരിക്കാന്‍ ഓട്ടോയില്‍ കയറി. റാഷയും ഞാനും നല്ലൊരു ഓട്ടോ റൈഡ് പോയി. മുംബൈയിലെ ഓട്ടോറിക്ഷക്കാരാണ് ശരിക്കും രക്ഷകര്‍” എന്ന് വീഡിയോ പങ്കുവെച്ചു കൊണ്ട് രവീണ കുറിച്ചു. എന്നാൽ അപ്രതീക്ഷിതമാണെങ്കിലും തന്റെ ആരാധകനെയാണ് ലഭിച്ചതെന്നും അര്‍ഷാദ് ചാച്ച തന്റെ വെല്‍വിഷര്‍ ആണെന്നും താരം കുറിപ്പിൽ വ്യക്തമാക്കി.

https://www.instagram.com/p/B9KBWFJHyrs/?utm_source=ig_web_copy_link