പ്രേക്ഷകർ സാധാരണ കണ്ടുവരുന്ന തമിഴ് സിനിമയുടെ സ്ഥിരം കാഴ്ചകളായ ഫ്ലാഷ് ബാക്ക്, പാട്ട്, നൃത്തം, ഇതൊന്നുമില്ലാത്ത ചിത്രമാണ് കാര്‍ത്തിയുടെ കൈദിയെ വ്യത്യസ്തമാക്കിയത്.
കാർത്തി നായകനായി ലോകേഷ് കനകരാജ് ‘കൈദി’യെ പ്രേക്ഷകര്‍ക്ക് മുന്നിലെത്തിച്ചത് മാസ് ത്രില്ലിങ് ലെവലിലാണ്. സിനിമ കാണുന്നതിനിടെ മറ്റൊരിടത്തേക്കും വഴുതിപ്പോകാതെ പ്രേക്ഷകമനസിനെ പിടിച്ചിരുത്തുന്ന വിധത്തിലാണ് ചിത്രം എത്തിയത്.
എന്നാൽ തമിഴിൽ സൂപ്പർ ഹിറ്റായി മാറിയ ത്രില്ലര്‍ കൈദിയുടെ ഹിന്ദി റീമേക്ക് നേരത്തെ തന്നെ വാര്‍ത്തയായിരുന്നു. സല്‍മാന്‍ ഖാനോ, ഹൃതിക് റോഷനോ ആയിരിക്കും തമിഴില്‍ കാര്‍ത്തി അവതരിപ്പിച്ച ദില്ലി എന്ന നായക കഥാപാത്രത്തെ ബോളിവുഡില്‍ അവതരിപ്പിക്കുന്നത് എന്നായിരുന്നു മുമ്പ് വന്ന റിപ്പോര്‍ട്ടുകള്‍.
എന്നാൽ ചിത്രത്തിൽ നായകനായെത്തുക അജയ് ദേവ്ഗൺ ആണെന്ന് താരം സ്ഥിരീകരിച്ചു കഴിയ്ഞ്ഞു. 2021 ഫെബ്രുവരി 12ന് കൈദി ഹിന്ദി റീമേക്ക് റിലീസിനെത്തുമെന്നും അജയ് ദേവ്ഗണ്‍. തമിഴ് പതിപ്പിന്റെ നിര്‍മ്മാതാവ് എസ് ആര്‍ പ്രഭുവും റീമേക്ക് സ്ഥിരീകരിച്ചു.
Post Your Comments