തമിഴ്നാട് മുൻമുഖ്യമന്ത്രിയും നടിയുമായിരുന്ന ജയലളിതയുടെ കഥ പറയുന്ന പുതിയ തമിഴ് ചിത്രത്തിൽ ശശികലയായി വേഷമിടുക ഷംന കാസിമെന്ന് സൂചന.
പുറത്തിറങ്ങാൻ പോകുന്ന ചിത്രത്തിൽ ചിത്രത്തില്‍ ജയലളിതയുടെ കൂട്ടുകാരിയും പിന്നീട് രാഷ്ട്രീയ നേതാവുമായ ശശികലയുടെ വേഷത്തിലാകും ഷംന എത്തുകയെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.
പ്രശസ്ത സംവിധായകൻ എ.എല്‍ വിജയ് സംവിധാനം ചെയ്യുന്ന ചിത്രത്തില്‍ ബോളിവുഡ് സൂപ്പർ താരം താരം കങ്കണ റണാവത്ത് ആണ് ജയലളിതയായി എത്തുന്നത്.
തമിഴിലെ പ്രശസ്ത സംവിധായകനായ ‘എ.എല്‍.വിജയ് ഒരുക്കുന്ന ‘തലൈവി’ എന്ന ചിത്രത്തിന്റെ ഭാഗമാണ് ഞാനും എന്നറിയിക്കുന്നതില്‍ അതീവ സന്തോഷമുണ്ട്. ഉരുക്കുവനിതയായ ജയലളിതയുടെ ജീവചരിത്രം പറയുന്ന സിനിമയില്‍ കങ്കണ റണൗട്ട്, അരവിന്ദ് സ്വാമി എന്നിവര്‍ക്കൊപ്പം പ്രവര്‍ത്തിക്കുക എന്നത് വിലപ്പെട്ട ഒരു അവസരമായി കരുതുന്നു” എന്ന് ഷംന കാസിം ഇന്‍സ്റ്റഗ്രാമില്‍ കുറിച്ചു.
താരസമ്പന്നമായ ചിത്രത്തിൽ എംജിആറായി എത്തുന്നത് അരവിന്ദ് സ്വാമിയാണ്. കെ.വി. വിജയേന്ദ്ര പ്രസാദ് ആണ് ചിത്രത്തിന്റെ തിരക്കഥ ഒരുക്കുന്നത്. വൈബ്രി, കര്‍മ്മ മീഡിയ എന്നിവയുടെ ബാനറില്‍ വിഷ്ണു വര്‍ധന്‍ ഇന്ദൂരി, ശൈലേഷ് ആര്‍ സിങ് എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്.
Post Your Comments