ജാവേദ് അക്തറിനും മഹേഷ് ഭട്ടിനും പ്രധാനമന്ത്രിയെ ഫാസിസ്റ്റെന്ന് ആക്ഷേപിക്കാൻ എന്ത് അവകാശമാണുള്ളത് ; രംഗോലി

കങ്കണയെ ചെരിപ്പിന് എറിഞ്ഞ മഹേഷ് ഭട്ടും ഭീഷണിപ്പെടുത്തിയ ജാവേദ് അക്തറുമാണ് മോദിയെ ആക്ഷേപിക്കുന്നത്, കഷ്ടം തന്നെ; പ്രതികരണവുമായി രംഗോലി

പ്രധാനമന്ത്രി നരേന്ദ്ര മോദി ഫാസിസ്റ്റാണെന്ന് വിമർശിച്ച സംവിധായകന്‍ മഹേഷ് ഭട്ടിനും ജാവേദ് അക്തറിനുമെതിരെ കങ്കണയുടെ സഹോദരി രംഗോലി. ഹൃത്വികിനോട് മാപ്പ് പറയണമെന്ന് ആവശ്യപ്പെട്ട് ജാവേദ് അക്തര്‍ കങ്കണയെ ഭീഷണിപ്പെടുത്തിയെന്നും രംഗോലി ആരോപിച്ചു.

ചാവേറായി അഭിനയിക്കാന്‍ വിസമ്മതിച്ചതോടെ കങ്കണയെ ചെരുപ്പെടുത്ത് സംവിധായകന്‍ മഹേഷ് ഭട്ട് എറിഞ്ഞെന്നും രംഗോലി പറഞ്ഞു. ഇങ്ങനെയുള്ളവരാണ് പ്രധാനമന്ത്രിയെ ഫാസിസ്റ്റെന്ന് ആക്ഷേപിക്കുന്നതെന്നും രംഗോലി തന്റെ ട്വീറ്റില്‍ ആരോപിച്ചു. നേരത്തെ നരേന്ദ്രമോദിയാണ് പ്രധാനമന്ത്രി സ്ഥാനത്തിരിക്കാന്‍ ഏറ്റവും യോഗ്യനായ വ്യക്തിയെന്ന് കങ്കണ പറഞ്ഞു.