നടി കിഷോരി ബല്ലാൽ ഓർമ്മയായി

ബെം​ഗളുരു: മുതിർന്ന കന്നഡ നടിയും പ്രശസ്ത പ്രമുഖ ഭരതനാട്യം നർത്തകൻശ്രീപദി ബെല്ലാദിന്റെ ഭാര്യയുമായ കിഷോരി ബല്ലാൽ (75) അന്തരിച്ചു.

ബെ​ഗളുരുവിലെ സ്വകാര്യ ആശുപത്രിയിലായിരുന്നു അന്ത്യം. 1960 കളിലാണ് കിഷോരി സിനിമകളിൽ സജീവമായത്. അമ്മ വേഷങ്ങളിലാണ് ഏറെ ശ്രദ്ധനേടിയത്.

ഇവളെന്ദ ഹെന്ദതി എന്നതായിരുന്നു ആദ്യ ചിത്രം, നല്ല നർത്തകി കൂടിയായ കിഷോരിയെ തേടി ഒട്ടനവധി അവസരങ്ങളാണ് പിന്നാലെയെത്തിയത്.

2004 ൽ പുറത്തിറങ്ങിയ ഷാരൂഖ് ഖാൻ ചിത്രം സ്വദേശിൽ പ്രധാന വേഷം ചെയ്തിരുന്നു. 2016 ൽ പുറത്തിറങ്ങിയ കാഹിയാണ് അവസാന ചിത്രം.