എച്ച് വിനോദ് സംവിധാനം ചെയ്യുന്ന വലിമൈ എന്ന ചിത്രത്തിനിടെ ബൈക്കിൽ നിന്ന് വീണ് സൂപ്പർ താരം അജിത്തിന് പരിക്ക്.
സംഘട്ടന രംഗം ബൈക്കിൽ ചിത്രീകരിക്കുന്നതിനിടെ അജിത്ത് തെന്നി വീഴുകയായിരുന്നു എന്നാണ് റിപ്പോർട്ടുകൾ അതേ സമയം പരിക്ക് അത്ര ഗുരുതരമല്ല എന്നാണ് ഡോക്ടർമാർ അറിയിച്ചതെന്നും വാർത്തകൾ പുറത്ത് വരുന്നു.
അജിത്തിന് പരിക്ക് പറ്റി എന്ന വാർത്ത വന്നതിന് പിന്നാലെ ആരാധകർ ഗെറ്റ് വെൽ തല ഹാഷ്ടാഗുകളുമായി താരത്തിന് വേണ്ടിയുള്ള പ്രാർഥനയിലാണ്.
എച്ച് വിനോദും , അജിത്തും നേർകൊണ്ട പാർവൈ എന്ന ചിത്രത്തിന് ശേഷം ഒന്നിക്കുന്ന ചിത്രംകൂടിയാണ് വലിമൈ. ബോണി കപൂറാണ് ചിത്രം നിർമ്മിയ്ക്കുന്നത്.
ഹുമ ഖുറേഷിയാണ് ചിത്രത്തിൽ നായികയായെത്തുന്നത് . ദീപാവലി ചിത്രമായാണ് വലിമൈ എത്തുക. തമിഴകത്ത് ഏറ്റവും കൂടുതൽ ആരാധകരുള്ള താരങ്ങളിൽ ഒരാളാണ് അജിത്ത് . വലിമൈയിൽ പോലീസ് ഓഫീസറായാണ് താരം അഭിനയിക്കുന്നത് . അജിത്തിന് പരിക്കേറ്റതോടെ ചിത്രത്തിന്റെ ചിത്രീകരണം നിർത്തിവച്ചു.
Post Your Comments