ബിഗ് ബോസിലെ ആറാം ആഴ്ചയിലെ എലിമിനേഷന് വേണ്ടിയുള്ള നോമിനേഷൻ എപ്പിസോഡായിരുന്നു ഇന്നലെ നടന്നത്. നിലവിലെ ക്യാപ്റ്റന്‍ പാഷാണം ഷാജിയെയും കണ്ണിനസുഖമായതിനാല്‍ ഹൗസിന് പുറത്ത് കഴിയുന്ന മറ്റ് അഞ്ച് പേരെയും നോമിനേറ്റ് ചെയ്യാന്‍ പാടില്ലെന്ന് ബിഗ് ബോസ് പറഞ്ഞിരുന്നു. എന്നാൽ മുൻപ് സ്വയം സ്ഥാനം നിര്‍ണ്ണയിക്കാനുള്ള ടാസ്‌കില്‍ ആദ്യസ്ഥാനം ലഭിച്ചവര്‍ക്ക് നോമിനേഷന്‍ ഫ്രീ കാര്‍ഡ് ബിഗ് ബോസ് നല്‍കിയിരുന്നു. മത്സരാർത്ഥികളായ ആര്യയ്ക്കും ജസ്ലയ്ക്കുമായിരുന്നു ഇത്തരത്തിലുള്ള അവസരം ബിഗ് ബോസ് നൽകിയത്. ഇതോടെ നോമിനേഷനിൽ നിന്നും കാർഡ് ഉപയോഗിച്ച് ജസ്ല പുറത്ത് കടക്കുകയായിരുന്നു. എന്നാൽ കാർഡ് ഉപയോഗിക്കുന്നില്ലെന്ന് പറഞ്ഞതോടെ ആര്യ നോമിനേഷന്‍ ലിസ്റ്റില്‍ ഇടം പിടിക്കുകയായിരുന്നു. ആര്യയെ കൂടാതെ രജിത് കുമാര്‍, ദയ അശ്വതി, മഞ്ജു പത്രോസ്, വീണ നായര്‍, പ്രദീപ് ചന്ദ്രന്‍, ആര്‍ ജെ സൂരജ് എന്നിവരും എലിമിനേഷന് ലിസ്റ്റില്‍ ഇടം പിടിച്ചു.
എന്നാൽ ആര്യയെങ്ങനെ ലിസ്റ്റില്‍ വന്നുവെന്നാണ് തന്റ സംശയമെന്ന് രജിത്ത് പ്രദീപിനോട് പറഞ്ഞിരുന്നു. ആരെങ്കിലും അവളെ നോമിനേറ്റ് ചെയ്തുകാണുമെന്നും സേഫാണെന്ന് ഉറപ്പായതിനാലുമാവും അവള്‍ കാര്‍ഡ് ഉപയോഗിച്ച് പുറത്തേക്ക് പോവേണ്ടെന്ന് കരുതിയതെന്നുമായിരുന്നു പ്രദീപ് പറഞ്ഞു.
Post Your Comments