ലച്ചു ഉപ്പും മുളകും വിട്ടുപോയെങ്കിലും ഈ പരമ്പരയോടുള്ള പ്രേക്ഷക പിന്തുണയ്ക്ക് കുറവില്ലെന്ന് തെളിയിച്ചു കൊണ്ട് പുതിയ പ്രമോ വീഡിയോ. ഉപ്പും മുളകും പരമ്പരയിലെ പുതിയ വിശേഷം അടങ്ങിയ വീഡിയോ ആണ് ഇപ്പോൾ വൈറൽ ആയിരിക്കുന്നത്. 1043 ലെ എപ്പിസോഡിന്റെ പ്രമോ വീഡിയോ ആണ് ഇപ്പോൾ പ്രേക്ഷകർ ഏറ്റെടുത്തിരിക്കുന്നത്.
പരമ്പരയിലെ പ്രധാന കഥാപാത്രങ്ങളായ ചന്ദ്രൻറെയും കനകത്തിന്റെയും ജീവിതത്തിലേക്ക് പുതിയ അതിഥി എത്തുന്നു എന്ന സന്തോഷ വാർത്ത പങ്കുവയ്ക്കുന്ന വീഡിയോയാണ് പുറത്ത് വന്നിരിക്കുന്നത്. കനകം സന്തോഷവാർത്ത പാറമട വീട്ടിൽ പങ്കിടാനായി ലഡ്ഡുവുമായി എത്തുമ്പോൾ, ശങ്കരണ്ണൻ രണ്ട് ലഡ്ഡു എടുക്കുകയും വരാൻ പോകുന്നത് ഇരട്ട കുട്ടികൾ ആണെന്ന് പറയുകയും ചെയ്യുന്നുണ്ട്.
അടുത്തിടെയാണ് ചന്ദ്രനും കനകവും വിവാഹിതർ ആയത്. ഓട്ടോ ചന്ദ്രനും കനകവും എന്നാണ് ഇരുവരും അറിയപ്പെടുന്നത്. ഇവരുടെ വിവാഹത്തിന് ചുക്കാൻ പിടിച്ചത് ബാലുവായിരുന്നു. കുടുംബത്തിലൊരു കല്യാണത്തിനായി പോയപ്പോള്‍ കുട്ടികളായില്ലേയെന്ന് ചോദിച്ച് തന്നെ കുറേ പേര്‍ വിഷമിപ്പിച്ചിരുന്ന കാര്യം കനകം നീലുവിനോട് പറഞ്ഞിരുന്നു. ഇതിന് പിന്നാലെയായാണ് പുതിയ സന്തോഷവാര്‍ത്ത എത്തിയത്.
അതേസമയം ലച്ചു ഇല്ലാത്തത് ഒരു കുറവ് തന്നെയാണെന്നും കനകത്തിന്റെ പ്രെഗ്നൻസി അത് നികത്താൻ വേണ്ടിയാണെന്നും ചില ആരാധകർ കമന്റുകൾ പങ്ക് വയ്ക്കുന്നുണ്ട്.
Post Your Comments