അപ്രതീക്ഷിത ട്വിസ്റ്റുകളും ടാസ്‌ക്കുകളുമൊക്കെയായി ബിഗ് ബോസ് മല്‍സരം മുറുകികൊണ്ടിരിക്കുകയാണ്. ഷോയിലെ ശ്രദ്ധേയ മല്‍സരാര്‍ത്ഥികളില്‍ ഒരാളാണ് രജിത് സര്‍. ഷോയിലെ നല്ലൊരു ഗെയിമറാണ് താനെന്ന് പല അവസരങ്ങളിലും അദ്ദേഹം തെളിയിച്ചിട്ടുണ്ട്. വിമര്‍ശനങ്ങളും കളിയാക്കലുകളും ഏറെയാണെങ്കിലും അതിനെയൊന്നും കാര്യമാക്കാതെയാണ് അദ്ദേഹം മുന്നേറികൊണ്ടിരിക്കുന്നത്. ബിഗ് ബോസ് മല്‍സരാര്‍ത്ഥികളില്‍ എറ്റവും കൂടുതല്‍ ആരാധകരുളളവരില്‍ ഒരാളാണ് രജിത്.
എന്നാൽ ബിഗ് ബോസില്‍ ഇടയ്ക്കിടെ രജിത്തുമായി തര്‍ക്കമുണ്ടാക്കാറുളള ആളാണ് ജസ്ല. ഷോയില്‍ എത്തിയതുമുതല്‍ രജിത്തിനെ ടാര്‍ഗറ്റ് ചെയ്തുകൊണ്ടാണ് ജസ്ല മുന്നേറുന്നത്. ആദ്യ എപ്പിസോഡില്‍ രജിത്തിനെ രൂക്ഷമായി വിമര്‍ശിച്ച ജെസ്ല പിന്നീട് അദ്ദേഹവുമായി സൗഹൃദത്തിലായിരുന്നു. ഇടയ്ക്ക് തര്‍ക്കമുണ്ടാവുകയും പിന്നീട് അത് പരിഹരിക്കപ്പെടുകയും ചെയ്യുന്ന സ്വഭാവമാണ് ഇരുവര്‍ക്കുമിടയില്‍ ഉളളത്.
ഇപ്പോഴിതാ ബിഗ് ബോസിന്റെ പുതിയ എപ്പിസോഡില്‍ അല്‍പ്പം റൊമാന്റിക്ക് ആയ രജിത്തിനെ ആണ് കണ്ടത്. മറ്റുളളവര്‍ ടേബിളിന് ചുറ്റിമിരുന്ന് പാട്ട് പാടുമ്പോൾ ജെസ്ലയ്‌ക്കൊപ്പമിരുന്ന് ഡാന്‍സ് കളിക്കുകയാണ് അദ്ദേഹം. ഡാന്‍സിനിടയ്ക്ക് ജസ്ലയെ എടുത്ത് വട്ടം കറങ്ങുന്നതും കാണാം. തുടര്‍ന്ന് കൈക്ക് നല്ല പണിയാണ് ഡോക്ടര്‍ കിട്ടിയത്. ബിഗ് ബോസിന്റെതായി പുറത്തിറങ്ങിയ പുതിയ വീഡിയോയിലാണ് രജിത് സാറിന്റെ റൊമാന്‍സ് കാണിക്കുന്നത്‌.
Post Your Comments