സംഗീതം ഇഷ്ടപെടുന്നവർ, പ്രണയിക്കുന്നവർ ഒരിക്കലും മറക്കാനിടയില്ലാത്ത ഒരു ഗാനമാണ് ‘വസീഗര.’ 2001ൽ പുറത്തിറങ്ങിയ ‘മിന്നലേ’ എന്ന ചിത്രത്തിനായ് ഹാരിസ് ജയരാജ് സംഗീതം നൽകിയ ഈ ഗാനം ആലപിച്ചത് ബോംബെ ജയശ്രീ ആയിരുന്നു. ഇന്നും ഇന്നും ഏറെ ആരാധകരുള്ള ഒരു ഗാനമാണിത്. ഇപ്പോഴിതാ ആ ഗാനം ജയശ്രീ ഒരിക്കല്‍ കൂടി ആലപിച്ചിരിക്കുകയാണ്.
ജയശ്രീയ്ക്കൊപ്പം കെട്ടിയോളാണ് എന്റെ മാലാഖ എന്ന ചിത്രത്തിലൂടെ ശ്രദ്ധേയായ വീണ നന്ദകുമാറുമുണ്ടായിരുന്നു. വീണയാണ് ഇരുവരും ചേര്‍ന്ന് പാടുന്നതിന്‍റെ വീഡിയോ ഇൻസ്റ്റാഗ്രാമിലൂടെ ആരാധകരുമായി പങ്കുവച്ചത്. അഭിനയത്തിലെന്ന പോലെ തന്നെ ഗാനാലാപനത്തിലും മിടുക്കിയാണ് വീണ.
ആദ്യമായി ഈ പാട്ട് കേട്ടപ്പോള്‍ മുതല്‍ തന്നെ തനിക്ക് ഇഷ്ടമായിരുന്നുവെന്നും എപ്പോഴും പാടി നടക്കുന്നതാണെന്നും വീണ പറയുന്നു. തന്‍റെ സ്വപ്നമാണ് സാക്ഷാത്കരിക്കപ്പെട്ടതെന്നും അതിനായി 19 കൊല്ലമാണ് താന്‍ കാത്തിരുന്നതെന്നും വീണ പറയുന്നു. പാട്ടുപാടിയ ശേഷം ഇരുവരും പരസ്പരം കെട്ടിപ്പിടിക്കുന്നുമുണ്ട്.
Post Your Comments