ലോകത്തിലെ തന്നെ ഏറ്റവും പ്രതിഫലം വാങ്ങുന്ന അമേരിക്കൻ നടിയും ഗായികയുമാണ് സ്കാർലറ്റ് ജോഹൻസൺ. താരത്തെ കുറിക്കുന്ന വാർത്തകളാണ് ഇപ്പോൾ ഹോളിവുഡിൽ നിറയുന്നത്. ഇത്തവണത്തെ ഓസ്കാർ പുരസ്കാര പ്രഖ്യാപനത്തിന് മുമ്പ് തന്നെ ഈ വർഷത്തെ പട്ടികയുടെ ചരിത്രത്തിൽ ഇടം പിടിച്ചിരിക്കുകയാണ് സ്കാർലെറ്റ് ജോഹൻസൺ. ഓസ്കാറിന്റെ ചരിത്രത്തിൽ മികച്ച നടി, മികച്ച സഹനടി പുരസ്കാരങ്ങൾക്ക് ഒരേ വർഷം നോമിനേഷൻ ലഭിക്കുന്ന പന്ത്രണ്ടാമത്തെ വ്യക്തിയാണ് ഈ ഹോളിവുഡ് സുന്ദരി.
മാര്യേജ്സ്റ്റോറിയിലെ പ്രകടനം മികച്ച നടിക്കും ജോജോ റാബിറ്റ് എന്ന ചിത്രത്തിലെ പ്രകടനം മികച്ച സഹനടിക്കുമുള്ള ഓസ്കാർ നോമിനേഷനിലേക്ക് താരത്തെ എത്തിച്ചു. എന്നാൽ ഓസ്കാർ ചരിത്രത്തിൽ ഇതുവരെ രണ്ടു പുരസ്കാരങ്ങളും ഒരുമിച്ച് ആരും നേടിയിട്ടില്ല. ഈ ചരിത്രം സ്കാർലറ്റ് തിരുത്തി കുറിക്കുമോ എന്നാണ് ഇപ്പോൾ സിനിമാലോകം ഉറ്റുനോക്കുന്നത്.
സിഗ്നൗർനേ വീവേർ ( 1989) , അൽ പാസിനോ(1993) എമ്മ തോംസൺ (1994) ജാമി ഫോക്സ് (2005) കേറ്റ് ബ്ലാൻചേറ്റ് ( 2008) എന്നിവരാണ് ഒരേ ഓസ്കാറിൽ ആക്ടിങ് കാറ്റഗറിയിൽ രണ്ട് നോമിനേഷൻ ലഭിച്ച മറ്റ് താരങ്ങൾ.
Post Your Comments