തമിഴിലെ മുൻനിര ഹാസ്യതാരം യോഗി ബാബു വിവാഹിതനായി. മഞ്ജു ഭാര്‍ഗവിയാണ് വധു. ചെന്നൈ തിരുട്ടാനിയിലെ അമ്പലത്തില്‍ വച്ച് നടന്ന ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. ഇന്ന് രാവിലെയായിരുന്നു വിവാഹം നടന്നത്. മാര്‍ച്ചില്‍ ചെന്നൈയില്‍ വച്ച് റിസപ്ഷനുണ്ടാകും.
രജനീകാന്തിന്റെ ദര്‍ബാറിലാണ് യോഗി ബാബു ഏറ്റവും ഒടുവിലായി അഭിനയിച്ചത്. മാരി ശെല്‍വരാജിന്റെ സംവിധാനത്തില്‍ ധനുഷ് നായകനാകുന്ന കര്‍ണനിലും അഭിനയിക്കുന്നുണ്ട്. 2009ല്‍ പുറത്തു വന്ന യോഗി എന്ന ചിത്രത്തിനു ശേഷമാണ് നടന് ഈ പേരു കൈവന്നത്. മാന്‍ കരാട്ടെ, കൊളമാവ് കോകില, പരിയേറും പെരുമാള്‍ തുടങ്ങിയവയാണ് താരത്തിന്റയെ മറ്റു ചിത്രങ്ങള്‍.
Post Your Comments