ജീവിതത്തിൽ ആരും വരില്ല എന്ന് അറിഞ്ഞിട്ടും കാത്തിരിക്കുന്നു ; വീഡിയോ പങ്കുവെച്ച് സീമ വിനീത്

ജനനം ആണായിട്ടാണെങ്കിലും, ശസ്ത്രക്രിയ വഴി പെണ്ണായി മാറിയ വ്യക്തിത്വമാണ് സീമ വിനീതിന്റേത്. ശസ്ത്രക്രിയ കഴിഞ്ഞ് ഒരു വര്‍ഷം തികഞ്ഞപ്പോഴാണ് വർഷപൂജ നടത്തി താൻ പൂര്‍ണ്ണമായി സ്ത്രീയായി മാറിക്കഴിഞ്ഞെന്ന് ലോകത്തോട് താരം വിളിച്ചു പറയുന്നത്. ഒപ്പം വിവാഹ സങ്കൽപ്പത്തെ പറ്റിയും താരം പറഞ്ഞിരുന്നു

മേക്കപ്പ് ആർട്ടിസ്റ്റായ സീമ സ്വന്തമായി മേക്കപ്പ് സ്റ്റുഡിയോ നടത്തി വരികയാണ്. ടിക് ടോക്കിലും, സോഷ്യൽ മീഡിയയിലും ഒരേ പോലെ സജീവമായ താരം കഴിഞ്ഞ ദിവസം പങ്ക് വച്ച ഒരു വീഡിയോയാണ് ഇപ്പോൾ വൈറൽ ആയിരിക്കുന്നത്. ഇനി വരും എന്ത പിറവിയിലും, ഉന്നെ തന്നെ ഞാൻ കാത്തിരുപ്പേൻ എന്ന ഗാനത്തിനാണ് നൃത്ത ചുവടുകളുമായി സീമ എത്തിയിരിക്കുന്നത്.

സാരിയും മുല്ലപ്പൂവും ഒക്കെ ചൂടി വളരെ സുന്ദരിയായിട്ടാണ് താരം വീഡിയോയിൽ നിറയുന്നത്. ജീവിതത്തിൽ ആരും വരില്ല എന്ന് അറിഞ്ഞിട്ടും കാത്തിരിക്കുന്ന ഞാൻ എന്ന ക്യാപ്ഷ്യനോടെയാണ് തന്റെ യു ട്യൂബ് ചാനലിൽ താരം വീഡിയോ പോസ്റ്റ് ചെയ്തിരിക്കുന്നത്. നിരവധിപേരാണ് സീമയ്ക്ക് ആശംസയുമായി എത്തുന്നത്. താരത്തിന്റെ വിവാഹം എത്രയും വേഗം നടക്കട്ടെയെന്നും ഇവർ പറയുന്നു.