തെലുങ്കു ചിത്രം ഹാപ്പി ഡേയ്‌സിലെ രാജേഷ് എന്ന കഥാപാത്രത്തിലൂടെ ശ്രദ്ധനേടിയ നടന്‍ നിഖില്‍ സിദ്ധാര്‍ഥ് വിവാഹിതനാകുന്നു. ഡോക്ടര്‍ പല്ലവി ശര്‍മ്മയാണ് വധു. വിവാഹ നിശ്ചയം കഴിഞ്ഞ വിവരം നിഖില്‍ തന്നെയാണ് സോഷ്യൽ മീഡിയയിലൂടെ പുറത്ത് വിട്ടത്.
ദീര്‍ഘകാലങ്ങളായി നിഖിലും പല്ലവിയും പ്രണയത്തിലായിരുന്നു. ഇരുകുടംബങ്ങളുടെയും ആശിര്‍വാദത്തോടെയാണ് വിവാഹ നിശ്ചയം നടന്നതെന്ന് നിഖില്‍ പറഞ്ഞു.
ശേഖര്‍ കമ്മൂല സംവിധാനം ചെയ്ത ഹാപ്പി ഡേയ്‌സ് 2007ലാണ് പുറത്തിറങ്ങിയത്. വരുണ്‍ സന്ദേശ്, തമന്ന എന്നിവരായിരുന്നു ചിത്രത്തിലെ മറ്റുതാരങ്ങള്‍. മലയാളത്തില്‍ മൊഴിമാറ്റിയെത്തിയ ചിത്രം കേരളത്തിലും വലിയ വിജയം നേടി.
Post Your Comments