ഹാപ്പി വെഡ്ഡിങ്ങിലെ കഥാപാത്രം മുതല്‍ കുമ്പളങ്ങി നൈറ്റ്‌സിലെ സിമി മോളില്‍ എത്തിയതോടെയാണ് നടി ഗ്രേസ് ആന്റണി പ്രേക്ഷക പ്രശംസ സ്വന്തമാക്കിയത്. സിമി മോള്‍ പ്രതീക്ഷിച്ചതിനെക്കാളും സൂപ്പര്‍ ഹിറ്റായതോടെ ഗ്രേസിനെ തേടി കൈനിറയെ അവസരങ്ങള്‍ എത്തിയിരുന്നു. ഇപ്പോഴിതാ അഭിനയത്തില്‍ മാത്രമല്ല ഡാന്‍സിലും തനിക്ക് കഴിവുണ്ടെന്ന് തെളിയിച്ചിരിക്കുകയാണ് നടി.
ഫേസ്ബുക്കിലൂടെ ഗ്രേസ് ആന്റണി പുറത്ത് വിട്ട ഒരു വീഡിയോ ആണ് ഇപ്പോള്‍ തരംഗമാവുന്നത്. ഹരികൃഷ്ണന്‍സിലെ ‘മിന്നല്‍ കൈവള ചാര്‍ത്തി’ എന്ന് തുടങ്ങുന്ന പാട്ടിനൊപ്പമായിരുന്നു ഗ്രേസിന്റെ ഡാന്‍സ്. സുഹൃത്തുക്കള്‍ക്കൊപ്പം നൃത്തം പരിശീലിക്കുന്നതിന്റെ വീഡിയോ ആയിരുന്നിത്. എന്നാല്‍ എന്തെങ്കിലും പരിപാടിയുടെ ഭാഗമായിട്ടാണോ ഈ പരിശീലനമെന്ന കാര്യത്തെ കുറിച്ച് കൂടുതല്‍ വ്യക്തതയില്ല.
കുമ്പളങ്ങി നൈറ്റ്‌ എന്ന ചിത്രത്തിന് ശേഷം തമാശ എന്ന സിനിമയിലും പ്രധാനപ്പെട്ടൊരു കഥാപാത്രത്തെ അവതരിപ്പിച്ചു. മഞ്ജു വാര്യര്‍ നായികയായിട്ടെത്തിയ റോഷന്‍ ആന്‍ഡ്രൂസ് ചിത്രം പ്രതി പൂവന്‍ക്കോഴിയിലാണ് അവസാനം ഗ്രേസ് അഭിനയിച്ചത. ഇനി അജു വര്‍ഗീസിനൊപ്പം സാജന്‍ ബേക്കറി സിന്‍സ് 1962, ഹലാല്‍ സ്റ്റോറി എന്നീ സിനിമകളാണ് വരാനിരിക്കുന്നത്.
Post Your Comments