ജയിലിൽ നിന്നും പുറത്തിറങ്ങിയ ദയയോട് കുശലന്വേഷണം നടത്തി ഡോ. രജിത് കുമാർ

ദയയെ പ്രശംസിച്ചും കുശലം അന്വേഷിച്ചും ഡോ. രജിത് കുമാർ. മോശം പ്രകടനത്തെ തുടർന്ന് ബിഗ് ബോസ് വീട്ടിലേക്ക് വന്ന ആഴ്ച തന്നെ ദയയ്ക്ക് ജയിലിലിൽ കഴിയേണ്ടി വന്നു. പക്കാ ജയിൽ പുള്ളികളെ പോലെ തന്നെയാണ് ബിഗ് ബോസിലെയും ജയിൽ വാസം. ദയക്കൊപ്പം ഫുക്രുവാണ് സഹ തടവുകാരനായി ഉണ്ടായിരുന്നത്.

ജയിലിൽ നിന്നും പുറത്തിറങ്ങിയ ദയയോട് കുശലം അന്വേഷിക്കുകയാണ് ഡോ. രജിത് കുമാർ. കൊതുകു ഉണ്ടായിരുന്നോ. ഉറങ്ങാൻ സാധിച്ചോ എന്നൊക്കെ തിരക്കുന്ന രജിത്. ദയ കൂർക്കം വലിക്കാറുണ്ടോ എന്നൊക്കെയും അന്വേഷിക്കുന്നു. കൊതുക് നന്നായി കടിച്ചതായും എന്നാൽ കുറച്ചൊക്കെ ഉറങ്ങി, തനിക്ക് കൂർക്കം വലിക്കുന്ന സ്വഭാവം ഇല്ല എന്നൊക്കെയാണ് ദയയുടെ മറുപടി.

ജയിലിൽ നിന്നും ഇറങ്ങിയ ദയ പുതിയ ആളായിട്ടാണോ ഇറങ്ങിയതെന്ന സംശയവും രജിത് പങ്ക് വച്ചു. നിങ്ങൾ ജയിലിൽ നിന്ന് ഇറങ്ങിയപ്പോൾ എങ്ങിനെ ആയിരുന്നു എന്ന മറുചോദ്യമാണ് ദയ രജിത്തിനോട് ചോദിക്കുന്നത്.

നിങ്ങളുടെ അതേ ഫീൽ തന്നെയാണ് തനിക്ക്, തോന്നിയതെന്നും മാറ്റം ഉണ്ടെന്നും ദയ പറയുന്നുണ്ട്. അതേസമയം മേക്കപ്പിനെ പറ്റി ദയയോട് സംസാരിക്കുന്ന രജിത്, എന്തൊക്കെ പറഞ്ഞാലും ദയ ഒരു കലാകാരി തന്നെയെന്നും ഒരു സാദാ നാട്ടിൻ പുറത്തുകാരിയാണെന്നും വ്യക്തമാക്കുന്നു.

മുൻപ് രജിത്തിനെ വലിയ ഇഷ്ടമാണെന്നും വേണ്ടി വന്നാല്‍ പ്രണയിക്കുമെന്നും ദയ എലീനയോട് വ്യക്തമാക്കിയിരുന്നു. അത് കൊണ്ട് തന്നെ രജിത്തിനോട് സംസാരിക്കാനും ഇടപഴകാനും കിട്ടുന്ന അവസരമൊന്നും ദയ അശ്വതി വെറുതെ കളയുന്നില്ല എന്നാണ് പ്രേക്ഷകരുടെ കണ്ടെത്തൽ.