സെലിബ്രിറ്റികളുടെ സ്വന്തം മേയ്ക്കപ്പ് ആർട്ടിസ്റ്റാണ് രഞ്ജു രഞ്ജിമാർ. ഒപ്പം ട്രാൻസ് സമൂഹത്തിന്റെ അഭിമാനവും. ഒരിക്കൽ തന്നെ തള്ളിപ്പറഞ്ഞവർക്കും അപമാനിച്ചവർക്കും എതിരെയുള്ള ഒരു മധുര പ്രതികാരം പോലെയായിരുന്നു രഞ്ജുവിന്റെ വളർച്ച. 22 ആം വയസ്സിലാണ് മേക്കപ് ആർട്ടിസ്റ്റായി രഞ്ജു ഈ മേഖലയിലേക്ക് എത്തുന്നത്. ഈ മേഖലയിൽ സ്വന്തമായ ഒരിടം സ്വന്തം അധ്വാനം കൊണ്ട് സൃഷ്ടിച്ചെടുക്കുവാൻ രഞ്ജുവിനു സാധിച്ചിട്ടുണ്ട്.
സോഷ്യൽ മീഡിയയിൽ സജീവമായ രഞ്ജു പങ്ക് വച്ചിരിക്കുന്ന ഒരു കുറിപ്പാണ്‌ ഇപ്പോൾ വൈറൽ ആയിരിക്കുന്നത്. പ്രതിസന്ധി ഘട്ടങ്ങളെ എങ്ങനെ അതിജീവിക്കാൻ സാധിക്കും എന്നാണ് രഞ്ജു വിശദമാക്കുന്നത്.
നിങ്ങൾ ഒരു പ്രണയ തകർച്ചയിലാണൊ,? നിങ്ങൾ അക്ഷേപങ്ങൾ കേട്ടുകൊണ്ടിരിക്കുന്നവരാണൊ,? നിങ്ങൾക്ക് എന്തെങ്കിലും കാര്യത്തിൽ മനസ്സ് ആകെ തകർന്നിരിക്കുകയാണോ? എന്ന ചോദ്യങ്ങളാണ് രഞ്ജു ആദ്യം പങ്ക് വയ്ക്കുന്നത്.
എല്ലാ പ്രശ്നങ്ങൾക്കും പ്രതിവിധി നമ്മുടെ പക്കൽ തന്നെയല്ലെ, ഒന്നു ചിന്തിച്ചാൽ മതി, ഉത്തരം കിട്ടുമെന്നും രഞ്ജു പോസ്റ്റിലൂടെ പറയുന്നു. നമ്മൾ കൂടുതൽ പ്രവർത്തിക്കുക, നമ്മൾ ചെയ്യുന്ന കാര്യങ്ങൾ വളരെ സത്യസന്ധമായും ഊർജജസ്വലരായും ചെയ്യാൻ ശ്രമിക്കുക.
നമ്മുടെ വീട്, മുറ്റം, പറമ്പ് പൂന്തോട്ടം, കിടക്ക മുറി, കുളിമുറി അങ്ങനെ നമ്മൾ തന്നെ അവിടമൊക്കെ ഒരോ ദിവസവും വ്യത്തിയാക്കാൻ സമയം കണ്ടെത്തുക. നെഗറ്റീവ് ചിന്തകൾ ഉള്ളവരുമായി സംമ്പർക്കം പുലർത്താതിരിക്കുക, ഒരു പാട് സ്വപ്നങ്ങൾ കാണുന്നവരുമായും സേവനങ്ങൾ ചെയ്യുന്നവരുമായും, നല്ല സുഹൃത്ത് ബന്ധമുള്ളവരുമായിട്ടും, ചങ്ങാത്തം കൂടുക.
നമ്മുടെ സ്വപ്നങ്ങൾ എന്നും ഓർക്കണം, ലക്ഷ്യമെന്താണെന്ന് മനസ്സിനോട് പറഞ്ഞു കൊണ്ടേയിരിക്കണം, പതുക്കെ പതുക്കെ നമ്മളെ ചുറ്റിപ്പറ്റി നിന്നിരുന്ന പ്രശ്നങ്ങൾ ഉൾവലിയാൻ തുടങ്ങും, നമ്മുടെ സ്വപ്നങ്ങൾക്ക് ചിറക് മുളയ്ക്കാൻ തുടങ്ങും, അത് സാഫല്യമാകുമീനും രഞ്ജു പറയുന്നു.
Post Your Comments