ക്വീൻ എന്ന സിനിമയിലൂടെ വര്‍ക്കിച്ചനായി തിളങ്ങി ശ്രദ്ധേയനായ നടൻ സൂരജ് കുമാര്‍ വിവാഹിതനായി. അഞ്ജലി നന്ദകുമാറിനെയാണ് സൂരജ് കുമാര്‍ ജീവിതത്തിലേക്ക് കൂട്ടിയത്. കൊച്ചി തൃപ്പൂണിത്തുറയിൽ വെച്ച് നടന്ന വിവാഹ ചടങ്ങിൽ സിനിമാ സീരിയൽ താരങ്ങളും പങ്കെടുത്തു.
ഡബ്സ്മാഷ് വീഡിയോകളിലൂടെ ശ്രദ്ധേയനായ നടൻ സൂരജ് ആദ്യമായി അഭിനയിച്ച ചിത്രമായിരുന്നു ക്വീൻ. ആദ്യ കഥാപാത്രത്തെ തന്നെ മികച്ചതാക്കാൻ സൂരജിന് കഴിഞ്ഞിരുന്നു. ദുബായിലെ ജോലി ഉപേക്ഷിച്ചാണ് സൂരജ് കുമാര്‍ സിനിമയിൽ അഭിനയിക്കാൻ നാട്ടിലേക്ക് എത്തിയത്. ക്വീൻ എന്ന ചിത്രത്തിന് ശേഷം
ഓര്‍മ്മ, തങ്കഭസ്മക്കുറിയിട്ട തമ്പുരാട്ടി, ടു സ്റ്റേറ്റ്സ് എന്നീ ചിത്രങ്ങളിൽ അഭിനയിച്ചിട്ടുള്ള സൂരജ് ഇപ്പോൾ കൊച്ചിയിലെ സ്വകാര്യ കമ്പനിയിൽ പ്രവര്‍ത്തിച്ചു വരികയാണ്.
Post Your Comments