”ജയേട്ടാ, എന്റെ അച്ഛന്റെ സ്നേഹത്തെ കുറിച്ചാണ് നിങ്ങൾ എന്നെ ഓർമ്മപെടുത്തിയത്.” അന്വേഷണം സിനിമയെ കുറിച്ചുള്ള നടി ഐശ്വര്യ ലക്ഷ്മിയുടെ കുറിപ്പ്

നിരൂപക പ്രശംസ നേടിയ ലില്ലി എന്ന ചിത്രത്തിന് ശേഷം പ്രശോഭ് വിജയൻ ഒരുക്കുന്ന ചിത്രമാണ് ‘അനേഷ്വണം’. ഇന്ന് തീയേറ്ററുകളിൽ എത്തിയ ചിത്രം കണ്ടതിന് ശേഷം ചിത്രത്തെ കുറിച്ച് പ്രതികരിക്കുകയാണ് നടി ഐശ്വര്യ ലക്ഷ്മി. കഴിഞ്ഞ ദിവസം ഒരുക്കിയ ചിത്രത്തിന്റെ സ്പെഷ്യൽ ഷോ കണ്ടതിന് ശേഷം വളരെ വൈകാരികമായി തന്റെ ഇൻസ്റ്റാഗ്രാം പേജിലാണ് താരം ചിത്രത്തെ പറ്റി കുറിച്ചത്.

” ഇന്നലെ അനേഷ്വണത്തിന്റെ സ്പെഷ്യൽ ഷോ കണ്ടു. ഈ കാലഘട്ടത്തിൽ ഏറെ പ്രസക്തവും അനിവാര്യവുമായ ഒരു സിനിമ നിർമ്മിച്ചതിന് നന്ദി. ആകാംക്ഷയും ഭയവും മറ്റെല്ലാ വികാരങ്ങളും പ്രേക്ഷകർക്ക് അനുഭവപ്പെടുന്ന രീതിയിൽ ചിത്രം തയ്യാറാക്കിയതിന് നന്ദി. പ്രശോഭ് വിജയൻ നിങ്ങളുടെ രണ്ടാമത്തെ ചിത്രത്തിന് ഇങ്ങനെ ഒരു വിഷയം തിരഞ്ഞെടുത്തതിൽ നന്ദി. ചില രംഗങ്ങളിൽ വല്ലാത്ത ഹൃദയ മിടിപ്പ് അനുഭവപ്പെട്ടു. അത് ഏതൊക്കെ എന്ന് പറയാൻ കഴിഞ്ഞിരുന്നെങ്കിൽ എന്നെനിക്ക് ആഗ്രഹമുണ്ട്. ജയേട്ടാ, എന്റെ അച്ഛന്റെ സ്നേഹത്തെ കുറിച്ചാണ് നിങ്ങൾ എന്നെ ഓർമ്മപെടുത്തിയത്.ഞാൻ അവരെ കാണാൻ പോകുകയാണ്. യഥാർത്ഥ ജീവിതത്തിൽ നിങ്ങളൊരു നല്ല അച്ഛനായതുകൊണ്ടാകാം അരവിന്ദൻ എന്ന കഥാപാത്രത്തെ മികച്ചതാക്കാൻ നിങ്ങൾക്ക് സാധിച്ചത്. ശ്രുതി രാമചന്ദ്രൻ നിങ്ങൾ കവിത എന്ന കഥാപാത്രമായി ജീവിക്കുകയായിരുന്നു. ലിയോണ എപ്പോഴത്തെയും പോലെ മികച്ച പ്രകടനമായിരുന്നു. ചിത്രത്തിന് പിന്നിൽ പ്രവർത്തിച്ച എല്ലാവരും ഗംഭീരമായി പ്രവർത്തിച്ചു. ഇതുവായിക്കുന്ന എന്റെ സുഹൃത്തുക്കളോട് സിനിമ തീയേറ്ററിൽ പോയി കാണാൻ ഞാൻ അഭ്യർത്ഥിക്കുന്നു.” ചിത്രത്തിന്റെ പോസ്റ്റർ പങ്കുവെച്ചുകൊണ്ട് ഐശ്വര്യ എഴുതി.

 

View this post on Instagram

 

Watched the special screening of #Anveshanam yesterday. Thankyou for making a film so relevant and needed for our times , and thankyou for making it in a way , so that everyone in the audience feels the emotions, the angst so well. @prasobhvijayan So happy for you and thankful that you chose to do this subject as your second film.. Some scenes (wish i could say , lets just say steps) were heart-wrenching, the visualisation too @dop_sujith . …@theprawncis Brilliant! Very very engaging ! Waiting for everything you have coming up next, and hoping that we could maybe work together on some:) @actor_jayasurya !!! Chetta, you reminded me so much of my father’s love that am rushing back to meet them. Maybe Aravind would have gotten help from the fact that you are an amazing parent in real life too. @shruti.ramachandran Beautiful you are and your portrayal of the mother was on point! You Lived Kavitha.. @leo_lishoy Babyyyy!!!when have you not been brilliant ???? Latha was wowww!! So was every other actor , and technical crew of this film. Nothing short of brilliant. @lal_director @actor_vijaybabu @lenasmagazine @stephy_zaviour @appubhattathiri @jxbe Always loved your work and in this one too .. @e4entertainment You can be proud of #ANVESHANAM ? And my insta family who ever is reading this, do watch it From tomo ,31st jan in theatres near you. Wishing the whole cast and crew a Happy Friday !!

A post shared by Aishwarya Lekshmi (@aishu__) on Jan 30, 2020 at 12:08am PST

വിജയ് ബാബു, നന്ദു, ലിയോണ, ലെന, ലാൽ തുടങ്ങി നിരവധി താരങ്ങളാണ് അന്വേഷണത്തിൽ അഭിനയിച്ചിരിക്കുന്നത്. ഇ 4 എൻ്റര്‍ടെയ്ന്‍മെൻ്റ് ആണ് ചിത്രം നിർമ്മിക്കുന്നത്. ചിത്രത്തിനായി ക്യാമറ കൈകാര്യം ചെയ്തിരിക്കുന്നത് സുജിത്ത് വാസുദേവ് ആണ്. ജേക്‌സ് ബിജോയ്‍‍ ആണ് അന്വേഷണത്തിലെ ഗാനങ്ങൾക്ക് സംഗീതം പകര്‍ന്നിരിക്കുന്നത്.