”ലെജൻഡറി സൂപ്പർസ്റ്റാറിനും ഇന്ത്യയിലെ മികച്ച സംവിധായകനും ഒപ്പം” തൃഷയുടെ ചിത്രങ്ങൾ വൈറലാകുന്നു

മലയാള സിനിമയിൽ ഏറെ കോളിളക്കം സൃഷ്ടിച്ച ദൃശ്യത്തിന് ശേഷം ജീത്തു ജോസഫും മോഹൻലാലും ഒന്നിക്കുന്ന ചിത്രമാണ് റാം. ചിത്രീകരണം പുരോഗമിക്കുന്ന ചിത്രത്തെ ഏറെ പ്രതീക്ഷയോടെയാണ് പ്രേക്ഷകർ കാത്തിരിക്കുന്നത്. ‘ ഹീ ഹാസ് നോ ബൗണ്ടറിസ്‌ ‘ എന്ന ടാഗ്‌ലൈനോട് കൂടി എത്തിയ ചിത്രത്തിന്റെ ടൈറ്റിൽ ഇതിനോടകം വൈറലായിരുന്നു.

ഇപ്പോൾ റാമിൽ നായികയായി എത്തുന്ന തൃഷ ട്വിറ്ററിൽ പോസ്റ്റ് ചെയ്ത ചിത്രമാണ് വൈറലാകുന്നത്. മോഹൻലാലിനും ജീത്തു ജോസഫിനും നടുവിലായി ഇരിക്കുന്ന ചിത്രമാണ് നടി പങ്കുവെച്ചത്. ലെജൻഡറി സൂപ്പർ സ്റ്റാർ എന്നാണ് താരരാജാവിനെ തൃഷ വിശേഷിപ്പിച്ചിരിക്കുന്നത്. ഇന്ത്യയിലെ ഏറ്റവും നല്ല സംവിധായകരിൽ ഒരാളാണ് ജീത്തു ജോസഫ് എന്നും താരം കുറിച്ചു. ഇവർക്കൊപ്പം പ്രവർത്തിക്കാൻ കഴിഞ്ഞത് തന്റെ ഭാഗ്യമാണെന്ന് താരം പറയുന്നു.

Just chillin amidst one of India’s finest filmakers and the legendary superstar himself ?⭐️
Blessed to be working with the best!#ram #jeethusir #mohanlalsir pic.twitter.com/tJaTB29ZCN

— Trish (@trishtrashers) January 30, 2020

ഹേയ് ജൂഡിന് ശേഷം തൃഷ എത്തുന്ന മലയാള ചിത്രമെന്ന പ്രതേകതയും റാമിനുണ്ട്. ചിത്രത്തിൽ മോഹൻലാലിൻറെ ഭാര്യയുടെ വേഷത്തിലാണ് തൃഷ എത്തുന്നത് എന്ന് റിപ്പോർട്ടുകളുണ്ട്.