സോഷ്യൽ മീഡിയയിൽ സജീവമാണ് മലായാളത്തിന്റെ നടന വിസ്മയം മോഹൻലാൽ. ജീവിതത്തിന്റെ പല ഓർമകളും സോഷ്യൽ മീഡിയയിൽ താരം പങ്കുവയ്ക്കാറുണ്ട്. അത്തരത്തിൽ മോഹൻലാൽ സോഷ്യൽ മീഡിയയിൽ പങ്കുവെച്ച പുതിയ ചിത്രം ഏറ്റെടുത്ത് ആരാധകര്‍. വര്‍ക്കൗട്ട് കഴിഞ്ഞ് വിശ്രമിക്കുന്ന താരത്തിൻ്റെ ചിത്രമാണ് ഇപ്പോൾ ആരാധകര്‍ ഏറ്റെടുത്തിരിക്കുന്നത്. നിങ്ങൾ ഇത് എന്ത് ഭാവിച്ചാ ലാലേട്ടാ.. വയസ് ഒരുപാട് ആയി ഒരു 30 വയസ് എങ്കിലും തോന്നിക്കണ്ടേ എന്നാണ് ഒരു ആരാധകൻ ചിത്രത്തിന് താഴെ കമൻ്റായി കുറിച്ചിരിക്കുന്നത്. ലാലേട്ടന് പ്രായത്തിൻ്റെ ഗിയര്‍ പിന്നോട്ടാണോ എന്നും മറ്റൊരാരാധകൻ കുറിച്ചിരിക്കുന്നു.
എന്നാൽ എല്ലാം ഓക്കേയാണ് എന്നാൽ നല്ല സിനിമകൾ വരുന്നില്ല എന്ന പരിഭവവും ആരാധകര്‍ പങ്കുവെക്കുന്നുണ്ട്. കാലാപാനി വടക്കും നാഥൻ പോലുള്ള സിനിമകൾ വരണമെന്നും അത്തരത്തിലുള്ള ചിത്രങ്ങളുടെ വിജയം എപ്പോഴും താങ്കളുടെ ഒപ്പമാണെന്നും ആരാധകര്‍ കുറിച്ചിട്ടുണ്ട്. ദാ നമ്മുടെ ആ പഴയ ലാലേട്ടൻ എന്നാണ് മറ്റൊരു ആരാധകൻ കുറിച്ചിരിക്കുന്നത്. ഏതായാലും താരത്തിൻ്റെ പുതിയ ചിത്രം ആരാധകര്‍ വൈറലാക്കി.
ബിഗ് ബ്രദറായിരുന്നു മോഹൻലാലിൻ്റേതായി ഒടുവിൽ തീയേറ്ററുകളിലെത്തിയ ചിത്രം. എന്നാൽ ഈ ചിത്രം വേണ്ടത്ര ശ്രദ്ധിക്കപ്പെട്ടിരുന്നില്ല. സംവിധായകൻ സിദ്ദിഖ് സംവിധാനം ചെയ്ത ചിത്രം പാടേ പരാജയമായിരുന്നുവെന്നാണ് മോഹൻലാൽ ഫാൻസ് പോലും സമ്മതിക്കുന്നത്. പ്രിയദര്‍ശൻ സംവിധാനം ചെയ്യുന്ന മരക്കാര്‍ അറബിക്കടലിൻ്റെ സിംഹം റിലീസിന് തയ്യാറെടുക്കുകയാണ്. മാര്‍ച്ച് 26നാണ് ചിത്രം തീയേറ്ററുകളിലെത്തുക.
Post Your Comments