മലയാളത്തിന്റെ പ്രിയതാരമാണ് നന്ദനത്തിലെ ബാലാമണിയായി പ്രക്ഷകരുടെ ഹൃദയം കീഴടക്കിയ താരം നവ്യ നായര്‍ ആ ചിത്രം നവ്യയുടെ കരിയറില്‍ ഏറ്റവും മികച്ച ചിത്രങ്ങളില്‍ ഒന്നായിരുന്നു. നായികയായി മലയാളത്തില്‍ തിളങ്ങിയ താരത്തിന്റെ വിശേഷങ്ങളെല്ലാം ഇരുകൈയ്യും നീട്ടിയാണ് ആരാധകര്‍ സ്വീകരിച്ചത്. വിവാഹ ശേഷം സിനിമാ ലോകത്തില്‍ നിന്നും പിന്‍മാറിയ താരം നീണ്ട ഒരു ഇടവേളയ്ക്ക് ശേഷം വീണ്ടും ശക്തമായി തിരിച്ചെത്തുകയാണ്. നവ്യ നായര്‍ അഭിനയിക്കുന്ന ചിത്രമാണ് ഒരുത്തീ. ചിത്രത്തിന്റെ വിശേഷങ്ങളും ഫൊട്ടോകളുമെല്ലാം ഇടയ്ക്കിടെ നവ്യ സോഷ്യല്‍ മീഡിയയിലൂടെ ആരാധകരുമായി പങ്കുവയ്ക്കാറുണ്ട്.
എന്നാല്‍ ഇപ്പോള്‍ പുതിയ വിശേഷമാണ് ആരാധകര്‍ ഏറ്റെടുത്തിരിക്കുന്നത്. ഇക്കുറി നവ്യ പോസ്റ്റ് ചെയ്തിരിക്കുന്നത് പ്രിയ വാര്യര്‍ക്കൊപ്പമുള്ള ചിത്രമാണ്. പ്രിയ വാര്യര്‍ നവ്യയെ കാണാന്‍ ലൊക്കേഷനില്‍ വന്നതാണോ അതോ പ്രിയ ചിത്രത്തില്‍ അഭിനയിക്കുന്നുണ്ടോ എന്നാണ് ഇപ്പോള്‍ അഭ്യൂഹങ്ങള്‍ നിലനില്‍ക്കുന്നത്. വി.കെ പ്രകാശ് സംവിധാനം ചെയ്യുന്ന ചിത്രമാണ് ഒരുത്തീ. ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ കഴിഞ്ഞദിവസം മഞ്ജു വാര്യരും മമ്മൂട്ടിയരും ചേര്‍ന്നാണ് പുറത്ത് വിട്ടത്. വിനായകന്‍, സന്തോഷ് കീഴാറ്റൂര്‍, മുകുന്ദന്‍, ജയശങ്കര്‍, മനു രാജ് , മാളവിക മേനോന്‍, കൃഷ്ണപ്രസാദ് എന്നിങ്ങനെ ഒരു വലിയ താര നിര തന്നെ ചിത്രത്തില്‍ അണിനിരക്കുന്നുണ്ട്. ചിത്രത്തില്‍ വളരെ വ്യത്യസ്തമായ കഥാപാത്രത്തെയാണ് നവ്യ അവതരിപ്പിക്കുന്നത്.താരത്തിന്റെ മാസ് ചിത്രത്തിനായി കാത്തിരിക്കുകയാണ് ആരാധകര്‍.
Post Your Comments