ബിഗ് ബോസ് മോണിങ് ടാസ്‌കിനിടയിലാണ് വലിയൊരു പൊട്ടിത്തെറി ഉണ്ടായത്. ബിഗ് ബോസ് വീട്ടില്‍ എങ്ങനെ പ്രശസ്തയാകാം എന്ന വിഷയത്തില്‍ സംസാരിക്കുകയായിരുന്നു തെസ്‌നി ഖാന്‍. ഇതിനിടയില്‍ രജിത്തിനെ ഉദ്ദാഹരണമാക്കി വീട്ടില്‍ ശ്രദ്ധ നേടാനുള്ള മാര്‍ഗ്ഗങ്ങളെക്കുറിച്ച് തെസ്‌നി പറഞ്ഞുതുടങ്ങി. പിന്നാലെ ക്ലാസ് കേട്ടിരുന്ന ഓരോരുത്തരായി രജിത്തിനെവച്ചുള്ള ഉദ്ദാഹരണങ്ങള്‍ പറഞ്ഞുതുടങ്ങി. തനിക്കെതിരെ പറയുന്ന കാര്യങ്ങളെ രജിത് ന്യായീകരിക്കാന്‍ ശ്രമിക്കുന്നുമുണ്ട്.
രജിത് ക്യാമറ നോക്കി സംസാരിക്കുന്ന അടവ് പ്രശസ്തി കിട്ടാന്‍ കണ്ടെത്തിയ മാര്‍ഗ്ഗങ്ങളില്‍ ഒന്നാണെന്ന് ക്ലാസിനിടയില്‍ അഭിപ്രായമുയര്‍ന്നു. എന്നാല്‍ തന്റെ വ്യക്തിപരമായ കാര്യങ്ങളാണ് ക്യാമറയില്‍ പറയുന്നതെന്നായി രജിത്. സുജോയുടെ ഷൂസിന്റെ വിലയും പ്രോട്ടീന്‍ പൗഡറിന്റെ വിലയും ക്യാമറ നോക്കി സംസാരിച്ചതിനെയാണ് സുരേഷ് എതിര്‍ത്തത്. അങ്ങനെ പറഞ്ഞത് വ്യക്തിപരമാണെന്ന് പറയുന്ന വ്യക്തിയുടെ കവാലകുറ്റി അടിച്ച് പൊട്ടിക്കുമെന്നായിരുന്നു സുരേഷിന്റെ ഡയലോഗ്. ഇതില്‍ നിന്നാണ് പ്രശ്‌നം മൂര്‍ച്ഛിച്ചത്.
അടിക്കുമെന്ന് ഭീഷണി മുഴക്കിയ സുരേഷിന്റെ നേര്‍ക്ക് ‘എന്നാ അടിക്ക്’ എന്നുപറഞ്ഞ് എത്തുകയായിരുന്നു രജിത്. ഇതിനിടയില്‍ സുജോയുമായും തര്‍ക്കമുണ്ടായി. ‘നിനക്ക് എന്നെ അടിക്കണോ അടിക്കെടാ. നിന്റെ പ്രോട്ടീന്‍ പൗഡര്‍ ഞാനൊന്നും കട്ടിട്ടില്ല’ എന്നെല്ലാം പറഞ്ഞായിരുന്നു സുജോയുടെ നേര്‍ക്കുള്ള ആക്രോശം. എന്നാല്‍ രജിത് ഒരു അടി വാങ്ങിക്കാന്‍ മനഃപൂര്‍വ്വം കാണിക്കുന്നതാണെന്ന് കണ്ടെത്തുകയായിരുന്നു സഹമല്‍സരാര്‍ത്ഥികള്‍. അതിനുള്ള അവസരം നല്‍കരുതെന്നും ഇങ്ങോട്ട് അടിച്ചാല്‍ പോലും തിരിച്ചടിക്കരുത് എന്നുമായിരുന്നു മറ്റുള്ളവര്‍ നിലപാടെടുത്തത്.
‘ആടിനെ പട്ടിയാക്കുക, പട്ടിയെ പേപ്പട്ടിയാക്കുക, എന്നിട്ടതിനെ എല്ലാവരും കൂടി തല്ലിക്കൊല്ലുക’, ഇതാണ് ബിഗ് ബോസ് വീട്ടില്‍ നടക്കുന്നത് എന്നാണ് രജിത്തിന്റെ വിലയിരുത്തല്‍. ഒപ്പം സൂര്യനമസ്‌കാരം ചെയ്ത് ആത്മനിയന്ത്രണം ആര്‍ജ്ജിച്ച രജിത്തിന്റെ പ്രവൃത്തിയെ ആക്ഷേപിക്കുകയായിരുന്നു മറ്റ് അംഗങ്ങള്‍
Post Your Comments