1000 എപിസോഡ് പിന്നിട്ട് ജൈത്രയാത്ര തുടരുകയാണ് ഉപ്പുംമുളകും. ഇതിലെ താരങ്ങളോട് മറ്റു പരമ്പരകളിൽ പ്രത്യക്ഷപെടുന്ന നായികാ നായകന്മാരോട് തോന്നുന്നതിനേക്കാൾ അൽപ്പം സ്നേഹം പ്രേക്ഷകർക്ക് കൂടുതലാണ്. കാരണം പക്കാ നാച്ചുറൽ ആയിട്ടാണ് ഇതിലെ ഓരോ താരങ്ങളും പ്രേക്ഷകർക്ക് മുൻപിൽ എത്തുന്നത്. ബാലു- നീലു ദമ്പതിമാരും അവരുടെ അഞ്ചു മക്കളുമാണ് മിനി സ്‌ക്രീൻ അടക്കി വാഴുന്നത്. ഇപ്പോൾ ഇതിലെ പ്രധാന താരങ്ങൾ അബുദാബിയിലേക്ക് മ്യൂസിക്കൽ റിയാലിറ്റി ഷോയിൽ പങ്കെടുക്കാനായി യാത്രയായ ചിത്രങ്ങളാണ് ആരാധകർ ഏറ്റെടുത്തിരിക്കുന്നത്. നീലുവായി എത്തുന്ന നിഷ സാരംഗ്, മുടിയനായി എത്തുന്ന ഋഷി, കേശുവായി എത്തുന്ന അൽസാബിത്, അതെ പോലെ നമ്മുടെ പാറുക്കുട്ടി ബേബി ആമേയ എന്നിവരാണ് വിദേശത്തേക്ക് പുറപ്പെട്ടത്.
എന്നാൽ വിദേശത്തുള്ള ഷോയിൽ ബാലു പങ്കെടുക്കുന്നില്ല എന്നാണ് സൂചന. ഞങ്ങളുടെ ബാലുച്ചേട്ടൻ ഇല്ലാതെ നീലു ചേച്ചി ഇതെങ്ങോട്ടാ എന്നാണ് ആരാധകർ പങ്ക് വയ്ക്കുന്ന സങ്കടം. ബാലു ഒപ്പമില്ലാതെ, കേശുവിന്റെ ‘അമ്മ ബീനയ്ക്കും, പാറുകുട്ടിയുടെ അമ്മ ഗംഗാ ലക്ഷ്മിയ്ക്കും ഒപ്പമാണ് നീലുവായി എത്തുന്ന നിഷ ഫോട്ടോയ്ക്ക് പോസ് ചെയ്തിരിക്കുന്നത്. ആദ്യ വിമാനയാത്രയ്ക്ക് തയ്യാറെടുക്കുന്ന പാറുക്കുട്ടി എയർപോർട്ടിൽ പിച്ച വയ്ക്കുന്ന ചിത്രങ്ങളും ആരാധകർ ഏറ്റെടുത്ത്‌ കഴിഞ്ഞു.
പാറുക്കുട്ടി ആദ്യമായിട്ടാണ് വിമാനത്തിൽ കയറുന്നത്. സ്ക്രീനിലെ അമ്മയ്ക്കും ചേട്ടന്മാർക്കും, സ്വന്തം അമ്മ ഗംഗാ ലക്ഷ്മിയ്ക്കും ഒപ്പമാണ് പാറുകുട്ടിയുടെ യാത്ര. വിമാനതാവളത്തിലും കുട്ടി കുറുമ്പിനു ഒരു മാറ്റവും ഇല്ലല്ലോ എന്നാണ് കൗതുകത്തോടെ പാറുകുട്ടിയുടെ ചിത്രത്തിന് ആരാധകർ നൽകുന്ന കമന്റുകൾ.
Post Your Comments