ക്യാമ്പസ് പ്രണയത്തിന്‍റെയും സൗഹൃദങ്ങളുടെയും കഥ ചിത്രമായിരുന്നു പ്രണയവര്‍ണങ്ങള്‍. 1998-ല്‍ പുറത്തിറങ്ങിയ ചിത്രം സിബി മലയിലാണ് സംവിധാനം ചെയ്‍തത്. സുരേഷ് ഗോപി, മഞ്ജു വാര്യര്‍, ദിവ്യ ഉണ്ണി, ബിജു മേനോന്‍ തുടങ്ങി വലിയ താരനിര തന്നെ ചിത്രത്തില്‍ വേഷമിട്ടിരുന്നു.
ചിത്രത്തിലെ പ്രധാന സെറ്റുകളില്‍ ഒന്നായിരുന്നു മഞ്ജുവും ദിവ്യയും താമസിച്ചിരുന്ന ഹോസ്റ്റല്‍. ഇപ്പോള്‍ നീണ്ട 22 വര്‍ഷങ്ങള്‍ക്ക് ശേഷം ഓര്‍മ്മകളുമായി അന്നത്തെ ഹോസ്റ്റലിലെത്തിയിരിക്കുകയാണ് മഞ്ജു. ചതുര്‍മുഖം എന്ന സിനിമയുടെ ഷൂട്ടിങ്ങുമായി ബന്ധപ്പെട്ടാണ് താരം തന്റയെ പഴയ ചിത്രത്തിന്റയെ ലൊക്കേഷനില്‍ എത്തിയത്.
ജയരാമന്‍ കടമ്പാട്ട്, സച്ചിദാനന്ദന്‍ പുഴക്കര എന്നിവര്‍ ചേര്‍ന്ന് തിരക്കഥയൊരുക്കിയ പ്രണയവര്‍ണ്ണങ്ങള്‍ നിര്‍മ്മിച്ചത് ദിനേശ് പണിക്കരാണ്. വിദ്യാസാഗര്‍ ഈണം പകര്‍ന്ന ചിത്രത്തിലെ ഗാനങ്ങളും ഏറെ ശ്രദ്ധിക്കപ്പെട്ടു
Post Your Comments