സംഗീതത്തില്‍ എന്നും പ്രേക്ഷകരെ സ്വാധീനിച്ച പ്രതിഭയായിരുന്നു ഗോപി സുന്ദര്‍ നിരവധി ആരാധകരാണ്ഗോപി സുന്ദറിന് ഉള്ളത്. അദ്ദേഹത്തിന്റെ സംഗീത സംവിധാനത്തില്‍ ഒരുങ്ങുന്ന ഗാനങ്ങള്‍ എല്ലാം സൂപ്പര്‍ ഹിറ്റുകളാണ് സമ്മാനിക്കുന്നത്. അദ്ദേഹത്തിന്റെ സംഗീത മികവില്‍ ഇറങ്ങിയ ഏറ്റവും പുതിയ ഗാനം സോഷ്യല്‍ മീഡിയയില്‍ തരംഗമായി മാറിയിരിക്കുകയാണ് മമ്മൂട്ടിയുടെ റിലീസിന് ഒരുങ്ങുന്ന പുതിയ ചിത്രമായ ഷൈലോക്കിനായി ഒരുക്കിയ ഗാനമാണ് ആരാധകര്‍ ഇരുകൈയ്യും നീട്ടി സ്വീകരിച്ചിരിക്കുന്നത്.
ആ സൂപ്പര്‍ ഹിറ്റ് ഗാനം ആലപിച്ചത്. സീ കേരളത്തിന്റെ സംഗീത റിയാലിറ്റി ഷോ സരിഗമപയിലെ ശ്വേത അശോക്, നാരായണി ഗോപന്‍, നന്ദ ജെ ദേവന്‍ എന്നിവരാണ്. ഇവര്‍ ആലപിച്ച ഗാനം ഇതിനോടകം തന്നെ രണ്ടു മില്യണ്‍ പ്രേക്ഷകര്‍ യൂട്യൂബില്‍ കണ്ടു കഴിഞ്ഞു.തങ്ങള്‍ക്ക് ലഭിച്ച ആ അവിസ്മരണ നിമിഷത്തെക്കിറിച്ച് മനസ്സ് തുറന്നിരിക്കുകയാണ് ആ മൂന്നു ഗായികമാര്‍
തമിഴ് ടച്ച് ഉള്ള ഈ ഗാനം ശ്വേതയും, നാരായണിയും, നന്ദയും ചേര്‍ന്ന് ഗംഭീരമാക്കിയിട്ടുണ്ട്.
ഗോപി സര്‍ ആഗ്രഹിക്കുന്ന രീതിയില്‍ പാടാന്‍ കഴിയുമ്പോള്‍ എനിക്ക് ലഭിക്കുന്ന സന്തോഷം വലുതാണ്. നന്നായി പാടാന്‍ സാറിന്റെ പ്രചോദനം ഒന്ന് കൊണ്ട് മാത്രമാണ്,’ ഗായിക ശ്വേത അശോക് പറയുന്നു.
ഗോപി സുന്ദറിനായി പാടാന്‍ കഴിയുക എന്നത് എനിക്ക് ഒരു സ്വപ്ന സാക്ഷാത്കാരമായിരുന്നു, ഒരുപാടു നാളായിട്ടുള്ള ആഗ്രഹമായിരുന്നു അതെന്നും ആ ആഗ്രഹം യാഥാര്‍ഥ്യമായതിലും പാട്ട് നന്നായി പാടാന്‍ കഴിഞ്ഞതിലും വലിയ സന്തോഷം തോന്നുന്നുന്നെന്ന് നാരായണി ഗോപയും പറഞ്ഞു
‘സരിഗമപയ്ക്ക് നന്ദി, എനിക്ക് ഗോപി സാറിനെ കാണാനുള്ള അവസരം ലഭിച്ചതും സിനിമയില്‍ പാടാനുള്ള അവസരം ലഭിച്ചതും സരിഗമപയിലൂടെയാണ്. ഈ ഗാനത്തിന് മികച്ച സ്വീകാര്യത ലഭിച്ചതില്‍ എന്റെ സുഹൃത്തുക്കളും കുടുംബവും അതിയായ സന്തോഷത്തിലാണ്,’ നന്ദ ജെ ദേവന്‍ പറയുന്നു മൂന്നും ഗായികമാരെയും ഇരുകൈയ്യും നീട്ടിയാണ് ആരാധകര്‍ സ്വീകരിച്ചത്.
Post Your Comments