രണ്ടര ലക്ഷം രൂപയുടെ ‘മുടികെട്ട്’ ബോളിവുഡ് താരം നോറയുടെ ‘പോണിടെയില്‍’ ഹെയര്‍ ഫിക്‌സിങ്ങിൽ അമ്പരന്ന് ആരാധകർ

2.5 ലക്ഷം രൂപയുടെ മുടികെട്ടാണ് ഇപ്പോൾ ബോളിവുഡിലും സോഷ്യൽ മീഡിയയിലും ചർച്ചയാകുന്നത്.  സ്ട്രീറ്റ് ഡാൻസ‍‍‍ർ 3ഡി എന്ന ബോളിവുഡ് സിനിമയിലെ  ഒരു ലുക്കിന് വേണ്ടി ബോളിവുഡ് താരം നോറയും മേക്കപ്പ് മാസ്റ്ററും കൂടി തെരഞ്ഞെടുത്ത ഒരു ഹെയര്‍സ്റ്റൈൽ ആണ് ഇതിന് കാരണം. രണ്ടര ലക്ഷം രൂപയ്ക്കാണ് നോറയുടെ ഈ മുടികെട്ട് എന്നതാണ് പ്രത്യേകത.

പ്രമുഖ കൊറിയോഗ്രാഫര്‍ റെമോ ഡിസൂസ സംവിധാനം ചെയ്യുന്ന ചിത്രമാണ് ‘സ്ട്രീറ്റ് ഡാന്‍സര്‍ 3ഡി’. ചിത്രത്തിന്റെ പേരുപോലെ തന്നെ ‘ഡാന്‍സ്’ തന്നെയാണ് സിനിമയുടെ ഇതിവൃത്തവും. ശ്രദ്ധ കപൂര്‍, വരുണ്‍ വാന്‍, പ്രഭുദേവ എന്നിവര്‍ക്കൊപ്പം കനേഡിയന്‍ ഡാന്‍സറും നടിയുമായ നോറ ഫതേഹിയും ചിത്രത്തിലുണ്ട്. ചിത്രത്തിലെ ഒരു ഗാനരംഗത്തിനായി ദുബായില്‍ ഡിസൈന്‍ ചെയ്ത ഒരു ‘പോണിടെയില്‍’ ഹെയര്‍ ഫിക്‌സാണ് താരം ഉപയോഗിച്ചിരിക്കുന്നത്.

‘ഒറിജിനല്‍’ മുടി സംസ്‌കരിച്ചെടുത്തുകൊണ്ട് ഡിസൈന്‍ ചെയ്തതാണ് ഈ ഹെയർഫിക്സ്. കഥാപാത്രത്തിന്‍റെ രൂപത്തിന് വേറിട്ട ലുക്ക് വേണമെന്ന ആശയമാണ് ഇത്തരമൊരു ഹെയര്‍സ്റ്റൈല്‍ പരീക്ഷിച്ചതിന് പിന്നിലെന്നാണ് നോറ അഭിമുഖങ്ങളിൽ പറ‍ഞ്ഞിരിക്കുന്നത്.2.5 ലക്ഷം രൂപയാണ് ഈ ഹെയര്‍ ഫിക്‌സിന് വേണ്ടി മാത്രം ചിലവാക്കിയിട്ടുള്ളത്. മുടി സില്‍ക്കിയാക്കി താഴേക്ക് മെല്ലെ ഒഴുകിക്കിടക്കുന്ന മുടിയാണിത്. ഇത്രയേറെ വിലപിടിപ്പുള്ള മുടി വച്ച് നില്‍ക്കുന്ന ചിത്രവും നോറ ഇന്‍സ്റ്റഗ്രാമിലൂടെ പങ്കുവച്ചിട്ടുണ്ട്. മുമ്പ് ബിക്കിനി ചിത്രങ്ങൾ ഇൻസ്റ്റയിൽ പങ്കുവെച്ച് ഞെട്ടിച്ചിട്ടുള്ളയാളുമാണ് നോറ.

കായംകുളം കൊച്ചുണ്ണിയിലെ ഒരു ഗാനരംഗത്തിലൂടെ മലയാളത്തിലും ആരാധകരെ സൃഷ്‌ടിച്ച താരമാണ് നോറ. കൂടാതെ ബ്രഹ്മാണ്ഡ ചിത്രം ബാഹുബലിയിലെ ഒരു ഗാനരംഗത്തിലൂടേയും നോറ ഏറെ സുപരിചിതയാണ്. ബോളിവുഡിൽ നിരവധി സിനിമകളിൽ നോറയുടെ ഐറ്റം ഡാൻസുകൾ ശ്രദ്ധ നേടിയിട്ടുണ്ട്.