ബിഗ് ബോസ് രണ്ടാം ഭാഗത്തിൽ ഏറ്റവും കുറവ് സ്‌ക്രീന്‍ സ്‌പെയ്സ് നേടിയെടുത്ത ല്‍സരാര്‍ത്ഥികളില്‍ ഒരാളാണ് രേഷ്മ. എന്നാല്‍ കഴിഞ്ഞ ദിവസം രേഷ്മ വ്യക്തമായ ആധിപത്യവുമായി സ്‌ക്രീനിലെത്തിരിക്കുകയാണ്. രജിത് കുമാറുമായി കൊമ്പുകോര്‍ത്തായിരുന്നു രേഷ്മ വരവറിയിച്ചത്. തന്റെ പുതപ്പ് മടക്കിവച്ച രജിത് കുമാറിനോട് അത് ചെയ്യണ്ട എന്ന് രേഷ്മ കല്‍പ്പിച്ചതോടെയാണ് പ്രശ്‌നങ്ങളുടെ തുടക്കം.
ഹൗസ് കീപ്പിങ് ടീം അംഗമായ തനിക്ക് പുതപ്പ് മടക്കേണ്ട ഉത്തരവാദിത്വമുണ്ടെന്ന് രജിത് പറഞ്ഞപ്പോള്‍ വേറെ ഒരുപാട് പണികളുണ്ടല്ലോ അത് പോയി ചെയ്‌തോ എന്നായി രേഷ്മ. രണ്ടുപേരും തമ്മിലുള്ള തര്‍ക്കം മൂര്‍ച്ഛിച്ചപ്പോള്‍ വീട്ടുകാരും പ്രശ്‌നത്തില്‍ ഇടപെട്ടുതുടങ്ങി. ഇതില്‍ ചിലര്‍ ആദ്യമായി രജിത് കുമാറിന്റെ ഭാഗത്ത് ന്യായം കണ്ടെത്തുന്നുണ്ട്. മുമ്പോട്ടുള്ള ദിവസങ്ങളില്‍ തന്റെ പുതപ്പ് മടക്കരുതെന്ന് നിര്‍ദേശത്തോടെ ആ പൊട്ടിത്തെറിയും ഏറെക്കുറെ നിയന്ത്രണവിധേയമായി.
ഇതേ ദിവസം നടന്ന ബിഗ് ബോസ് ഫിലിം അവാര്‍ഡ് നൈറ്റിലാണ് രേഷ്മ പിന്നെ തിളങ്ങിയത്. താരനിശയിലെ അപ്കമിങ് സ്റ്റാര്‍ (ഫീമെയില്‍) അവാര്‍ഡാണ് രേഷ്മയെ തേടിയെത്തിയത്. ശബ്ദമുയര്‍ത്താത്തവളും ശാന്തയും ഏത് സാഹചര്യവുമായി പൊരുത്തപ്പെടുന്നവളും എന്നാല്‍ ഏത് നിമിഷവും വീടിന്റെ നിയന്ത്രണം കൈപ്പിടിയിലാക്കാന്‍ കെല്‍പുള്ള വ്യക്തി എന്നായിരുന്നു ഈ വിഭാഗത്തിന് നല്‍കിയിരുന്ന വിശദീകരണം. ഏറ്റവുമധികം പേര്‍ വോട്ട് നല്‍കിയതിന്റെ അടിസ്ഥാനത്തില്‍ രേഷ്മ വിജയിയായി. എന്നാല്‍ താന്‍ അത്ര ശാന്തയല്ലെന്നായിരുന്നു അവാര്‍ഡിന് ശേഷമുള്ള രേഷ്മയുടെ മറുപടി പ്രസംഗത്തിലെ വാക്കുകള്‍.
Post Your Comments