പ്രേക്ഷകരുടെ ഇഷ്ട്ട പരമ്പരയാണ് ഉപ്പും മുളകും. ലച്ചുവിന്റെ അഭാവം പരമ്പരയെ അൽപ്പം ബാധിച്ചിട്ടുണ്ടെങ്കിലും, അത് നികത്താനുള്ള ശ്രമത്തിലാണ് ഇപ്പോൾ ഉപ്പും മുളകും അണിയറപ്രവർത്തകർ. ഉപ്പും മുളകും നർമ്മത്തിൽ ചാലിച്ച കുടുംബപരമ്പര കൂടി ആയതിനാൽ ഇതിലെ ഓരോ കഥാപാത്രങ്ങളോടും പ്രേക്ഷകർക്ക് പ്രിയമേറെയാണ്.
കഴിഞ്ഞ ദിവസം ഉപ്പും മുളകും പരമ്പരയിലേക്ക് കുട്ടി താരങ്ങളെ സീരിയൽ സംഘാടകർ തേടുന്ന ഒരു പരസ്യം സോഷ്യൽ മീഡിയ വഴി വൈറൽ ആയിരുന്നു. തങ്ങളുടെ പ്രിയപ്പെട്ട പാറുകുട്ടിയെ ഇനിയെങ്ങാനും മാറ്റാൻ ആണോ എന്ന തരത്തിലായിരുന്നു സോഷ്യൽ മീഡിയയിൽ ഇതിനെതിരെ നടന്ന പ്രചാരണം. എന്നാൽ പാറുകുട്ടിക്ക് കളികൂട്ടുകാരെ തേടുന്ന പരസ്യമായിരുന്നു ചാനൽ പുറത്തുവിട്ടത്.
ഇതിനെല്ലാം പുറമെയാണ് ഇപ്പോൾ പുതിയ എപ്പിസോഡിന്റെ വീഡിയോ വൈറൽ ആകുന്നത്. അമ്പലപ്പറമ്പിലെ പരിപാടിയ്ക്ക് പങ്കെടുക്കാനായി ബാലു എത്തുന്ന വീഡിയോയാണ് ഇപ്പോൾ ആരാധകർ ഏറ്റെടുത്തിരിക്കുന്നത്. നാടിനൊത്ത നല്ല നാടൻപാട്ടും അമ്പിളി സിനിമയിലെ ഹിറ്റായ ജാക്സൺ ഡാൻസിനൊപ്പം ബാലുവും മക്കളും ചുവട് വയ്ക്കുന്നതുമാണ് പ്രേക്ഷകർ ഇപ്പോൾ ഏറ്റെടുത്തത്
Post Your Comments