പൂര്‍ണിമയ്ക്ക് പിന്നാലെയാണ് സഹോദരി പ്രിയ മോഹനും അഭിനയം തുടങ്ങിയത്. മിനിസ്‌ക്രീനിലെ മുന്‍നിര വില്ലത്തികളിലൊരാളായിരുന്നു പ്രിയ. വിവാഹത്തോടെ അഭിനയത്തില്‍ നിന്നും പിന്‍വാങ്ങുകയായിരുന്നു. പിന്നീട് ചേച്ചിയെപ്പോലെ വസ്ത്രവിതരണത്തില്‍ ശ്രദ്ധ കേന്ദ്രീകരിക്കുകയായിരുന്നു പ്രിയയും. ബാങ്കോക്ക് ഫാഷന്‍ ബോട്ടീക്കുമായാണ് പ്രിയ എത്തിയത്. പ്രിയയുടെ ഭര്‍ത്താവായ നിഹാല്‍ പിള്ളയും അഭിനയത്തില്‍ കഴിവ് തെളിയിച്ചിരുന്നു. മുംബൈ പോലീസില്‍ പൃഥ്വിരാജിനൊപ്പം നിഹാലും അഭിനയിച്ചിരുന്നു.
തങ്ങളുടെ ജീവിതത്തിലെ മനോഹരനിമിഷങ്ങള്‍ പങ്കുവെക്കുന്നതിനായി അടുത്തിടെ ഇവര്‍ യൂട്യബ് ചാനല്‍ തുടങ്ങിയിരുന്നു. ഒരു ഹാപ്പി ഫാമിലിയിലൂടെ പുറത്തുവിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. ഭക്ഷണം, യാത്ര മറ്റ് വിശേഷവാസരങ്ങള്‍ ഇവയുമായി ബന്ധപ്പെട്ട വീഡിയോകളാണ് തങ്ങള്‍ ഈ ചാനലിലൂടെ പുറത്തുവിടുകയെന്ന് ഇരുവരും അറിയിച്ചിരുന്നു. മകനായ വര്‍ധാന്റെ ഒന്നാം പിറന്നാളാഘോഷത്തിനിടയിലെ വീഡിയോയായിരുന്നു ഇവര്‍ ആദ്യമായി പങ്കുവെച്ചത്.
അടുത്തിടെ ഇവര്‍ കുടുംബസമേതമായി വിദേശയാത്ര നടത്തിയിരുന്നു. പ്രിയയുടെ മാതാപിതാക്കളും ഇന്ദ്രജിത്തും പൂര്‍ണിമയും മക്കളുമൊക്കെ ഇവര്‍ക്കൊപ്പമുണ്ടായിരുന്നു. ഓരോ സ്ഥലത്ത് എത്തിയപ്പോഴും അവിടത്തെ പ്രത്യേകതകളെക്കുറിച്ച് വിവരിച്ചത് നിഹാലും നക്ഷത്രയും ചേര്‍ന്നായിരുന്നു. ഭക്ഷണത്തിലെ പ്രത്യേകതകളെക്കുറിച്ചും മറ്റ് വിശേഷങ്ങളെക്കുറിച്ചുമൊക്കെയായിരുന്നു ഇവര്‍ വാചാലനായത്. ഒരു വയസ്സുകാരനായ വേദുവും ഇവര്‍ക്കൊപ്പമുണ്ടായിരുന്നു. കുഞ്ഞിനേയും കൊണ്ട് എങ്ങനെയാണ് ഇത്രയും യാത്ര ചെയ്യുന്നതെന്നും കാലാവസ്ഥയിലെ മാറ്റങ്ങള്‍ ബാധിക്കില്ലേയെന്നുമൊക്കെയുള്ള ചോദ്യങ്ങളുമായി ആരാധകരെത്തിയിരുന്നു. ഇതിന് പിന്നാലെയായാണ് ഡയപ്പര്‍ ബാഗൊരുക്കുന്നതെന്നതിനെക്കുറിച്ചായിരുന്നു ഇരുവരും വിവരിച്ചത്.
യാത്രയ്ക്കിടയില്‍ വേദുവിന്റെ ലഗേജ് ഒരുക്കുന്നതും യാത്രകളില്‍ നിര്‍ബന്ധമായും കരുതിയിരിക്കേണ്ട കാര്യങ്ങളെക്കുറിച്ചുമൊക്കെയാണ് ഇവര്‍ വ്യക്തമാക്കിയത്. യാത്രകളില്‍ മകന് നല്‍കുന്ന ഭക്ഷണത്തെക്കുറിച്ചും ഇവര്‍ വിവരിച്ചിരുന്നു. അതാത് സ്ഥലങ്ങളില്‍ നിന്നുള്ള ഭക്ഷണങ്ങളൊന്നും മകന് നല്‍കാറില്ല. പ്രിയ കാര്യങ്ങള്‍ വിശദീകരിക്കുന്നതിനിടയിലായിരുന്നു വേദു അരികിലേക്കെത്തിയത്. ബാഗില്‍ നിന്നും സാധനങ്ങളെടുത്ത് പുറത്തിടുകയായിരുന്നു വേദു. വീഡിയോ ഇതിനകം തന്നെ സോഷ്യൽ മീഡിയയിൽ വൈറലായി മാറിക്കഴിഞ്ഞിട്ടുണ്ട്.
Post Your Comments