ബിഗ് ബോസ് വീട്ടിൽ ആദ്യമായി എത്തിയ വ്യക്തി തന്നെയാണ് ആദ്യ എലിമിനേഷനിലും പുറത്താകുന്നത്. പതിനഞ്ചു ദിവസം ബിഗ് ബോസ് വീട്ടിൽ നിന്നതിന് ശേഷമാണ് രാജിനി ചാണ്ടി എന്ന മത്സരാർത്ഥി വീട്ടിൽ നിന്നും പുറത്താകുന്നത്. വീട്ടിൽ നിന്നും തിരികെയെത്തിയ രാജിനി ഇപ്പോഴിതാ ഏഷ്യാനെറ്റ് ഓൺലൈനുമായി സംസാരിക്കവെയാണ് വീട്ടിൽ നടന്ന വിവരങ്ങൾ പ്രേക്ഷകർക്കായി പങ്ക് വയ്ക്കുന്നത്.
ബിഗ് ബോസ് വീട്ടിലെ അടുക്കള മാനേജിങ് ആണ് തന്നെ ഏറ്റവും അധികം അത്ഭുതപ്പെടുത്തിയതും ബഹുമാനം തോന്നിച്ചതും എന്ന് രാജിനി ചാണ്ടി പറയുന്നു. വീട്ടിലെ പതിനാറ് പേരിൽ ഏറ്റവും വിയോജിപ്പുള്ളത് രജിത് കുമാറിനോടായിരുന്നുവെന്നും, തനിക്ക് ഏറ്റവും കൂടുതൽ അടുപ്പം തോന്നിയത് പ്രദീപിനോട് ആയിരുന്നതായും രാജിനി വ്യക്തമാക്കി. പ്രദീപ് തന്നെ കൂടുതൽ മനസിലാക്കാനും ശ്രദ്ധിക്കാനും ശ്രമിച്ചതാണ് അതിന് കാരണമെന്നും, അവർ വ്യക്തമാക്കി.
രജിത് കുമാറിനോട് ഏറ്റവും കൂടുതൽ വിയോജിപ്പ് ഉണ്ടാകാൻ കാരണം അദ്ദേഹത്തിന്റെ സംസ്‍കാരം ഇല്ലാത്ത പെരുമാറ്റം തന്നെയാണ്. താൻ അയാളുമായി കൂടുതൽ അടുക്കാൻ പോയിട്ടില്ല. അയാൾക്ക് സ്ത്രീകളോട് ഒട്ടും ബഹുമാനം ഇല്ലാത്ത വ്യക്തിയാണ്. എങ്ങിനെ ഇയാൾ കൗൺസിലിംഗ് നടത്താൻ പോകുന്നുവെന്നു മനസിലാകുന്നില്ല. പി എച്ച് ഡി നേടിയ വ്യക്തി വീടിനുള്ളിൽ ഒട്ടും സംസ്‍കാരം ഇല്ലാതെയാണ് പെരുമാറുന്നത്. ടോയ്‌ലെറ്റിൽ ആണ് സാധാരണ യൂറിൻ പാസ് ചെയ്യേണ്ടതെങ്കിൽ അയാൾ, ബാത്ത് റൂമിൽ മാത്രമാണ് അത് ചെയ്യുക. പല പ്രായത്തിലുള്ള പെൺകുട്ടികൾ നിൽക്കുന്ന സ്ഥലമാണ് വീട്. അവർ നിൽക്കുന്നത് പോലും നോക്കാതെ നിൽക്കുന്ന സ്ഥലത്ത് നിന്നും അടിവസ്ത്രം മാറുക അയാളുടെ ശീലമാണെന്നും പറയുന്നതത്രയും പച്ചക്കളമാണെന്നും രാജിനി വ്യക്തമാക്കി.
മറ്റു മത്സരാർത്ഥികളുമായുള്ള ബന്ധത്തെപ്പറ്റിയും രാജിനി വാചാലയായി. മനസ്സിൽ ചിന്തിക്കാത്ത കാര്യങ്ങളാണ് അതിലെ പലരും തന്നോട് പറഞ്ഞതെന്നും രാജിനി പറയുന്നു.ബിഗ് ബോസ് വീട്ടിലെ ഏറ്റവും നല്ല മത്സരാർത്ഥി ഫുക്രുവും ആര്യയും ആണ്. അവർക്ക് വരാലിന്റെ സ്വഭാവം ആണ്. അവരങ്ങനെ വഴുതി പോയ്കൊണ്ടിരിക്കും. അത് തന്നെയാണ് അവരുടെ വിജയം.
മത്സരാര്ഥികളിൽ പലരും കളിച്ചു പഠിക്കാൻ വന്നവരാണ്. നേരിൽ തേനേ, മുത്തേ, എന്ന് വിളിക്കുന്നവരിൽ പലരും കൺഫഷൻ റൂമിൽ കയറിയാൽ പരസ്പരം കുറ്റം പറയും. എനിക്ക് അതിന് ആകില്ല. അങ്ങിനെ ആയാൽ ഞാൻ ഞാൻ അല്ലാതെയാകുമെന്നും രാജിനി പ്രതികരിച്ചു.
Post Your Comments