യോദ്ധ ചിത്രത്തിന് രണ്ടാം ഭാഗം ഉണ്ടോ ? വെളിപ്പെടുത്തലുമായി സംവിധായകൻ സംഗീത് ശിവൻ 

മലയാള സിനിമയിൽ നിരവധി ഹിറ്റുകൾ സമ്മാനിച്ച സംവിധായകനാണ് സംഗീത് ശിവൻ.
യോദ്ധ , ഗാന്ധർവം,​ നിർണയം തുടങ്ങിയ സിനിമയിലൂടെ മലയാളികൾക്ക് സംഗീത് ശിവൻ പ്രിയപ്പെട്ട സംവിധായകനായി മാറി. മലയാളത്തിൽ മാത്രമല്ല ഹിന്ദിയിലും അദ്ദേഹം ഒരുപിടി നല്ല സിനിമകൾ സംവിധാനം ചെയ്തു. ഇപ്പോഴിതാ യോദ്ധയുടെ രണ്ടാം ഭാഗം കാത്തിരിക്കുന്ന ആരാധകർക്ക് മുന്നിൽ മനസുതുറക്കുകയാണ് സംഗീത് ശിവൻ. കൗമുദി ടി.വിക്ക് നൽകിയ അഭിമുഖത്തിലാണ് സംവിധായകൻ ഈ കാര്യം വെളിപ്പെടുത്തുന്നത്.

യോദ്ധ ഇത്രവലിയ വിജയമാവുമെന്ന് ഒരിക്കലും കരുതിയിരുന്നില്ല. തികച്ചും സ്വഭാവികമായ സിനിമയായിരുന്നു അത്. അതിനൊരു രണ്ടാം ഭാഗം ആലോചിച്ചെഴുതിയാൽ ആ സ്വാഭാവിക സൗന്ദര്യം നഷ്ടപ്പെടും അതിനാൽ ഒരു കഥയ്ക്ക് വേണ്ടി കാത്തിരിക്കുകയാണ്. നല്ലൊരു കഥ വന്നാൽ തീർച്ചയായും യോദ്ധ 2 ചെയ്യും. യോദ്ധ 2 മാത്രം ആലോചിച്ചാൽ മറ്റൊന്നും നടക്കില്ല എന്നും സംഗീത് ശിവൻ പറയുന്നു.