ശ്രീക്കുട്ടിയുടെ വിവാഹം കഴിഞ്ഞോ? ആശംസകളുമായി ആരാധകർ

ഹരിത ജി നായർ എന്ന പേരിനേക്കാളും കസ്തൂരിമാനിലെ ശ്രീക്കുട്ടി എന്ന് പറഞ്ഞാലേ മിനിസ്‌ക്രീൻ പ്രേക്ഷകർക്ക് വേഗം മനസിലാവുകയൊള്ളൂ. കാരണം പരമ്പരയിൽ പച്ച പാവം പെൺകുട്ടി ആയെത്തിയ ശ്രീക്കുട്ടി വളരെ വേഗമാണ് പ്രേക്ഷകർക്ക് പ്രിയങ്കരിയായി മാറുന്നത്. കസ്തൂരിമാനിലെ അഭിനയമികവാണ് ഉണ്ണിമായയിലേയ്ക്കും, കാർബൺ, ഒരു പക്കാ നാടൻ പ്രേമം എന്ന സിനിമകളിലേക്കും എത്താൻ ഹരിതയ്ക്ക് നിമിത്തമായത്.

പ്രേക്ഷകരിൽ നിന്നുള്ള അഭിനന്ദനങ്ങൾ ആണ് തനിക്ക് കൂടുതൽ ആത്മവിശ്വാസം പ്രൊഫഷനിൽ പുലർത്താൻ സഹായിച്ചതെന്ന് ഹരിത വ്യക്തമാക്കിയിട്ടുണ്ട്. ഇപ്പോൾ തന്റെ ജീവിതത്തിൽ ഉണ്ടായ സുന്ദര നിമിഷം സോഷ്യൽ മീഡിയ വഴി പങ്കിടുന്ന ഹരിത പ്രേക്ഷകരുടെ പിന്തുണയും ആശംസയും വീണ്ടും നേടുകയാണ്. കാർബൺ സിനിമയുടെ രണ്ടുവർഷം എന്ന് പറഞ്ഞുകൊണ്ടാണ് താരം ചിത്രം പങ്ക് വച്ചത്.

തന്റെ സിനിമയുടെ പോസ്റ്റർ പങ്ക് വച്ചുകൊണ്ടാണ് ഹരിത സന്തോഷം പങ്ക് വച്ചിരിക്കുന്നത്. ആദ്യമായി ബിഗ് സ്‌ക്രീനിൽ മുഖം തെളിഞ്ഞ ദിവസം. ജനുവരി 19, 2020. ആദ്യമായി പ്രധാന കഥാപാത്രമായി അഭിനയിക്കുന്ന സിനിമയുടെ ഓഡിയോ ലോഞ്ച്. പടച്ചോനേ എന്നാണ് താരം പോസ്റ്റർ പങ്ക് വച്ചുകൊണ്ട് കുറിച്ചിരിക്കുന്നത്.

നടൻ ഷറഫുദീന് ഒന്നിച്ചുള്ള രംഗമാണ് താരം ഇൻസ്റ്റയിൽ പങ്കിട്ടത്. അതേ സമയം ഈ ചിത്രങ്ങൾ കണ്ടപ്പോൾ ചില ആരാധകർ ഇരുവരുടെയും വിവാഹം കഴിഞ്ഞതായിട്ടാണ് തെറ്റിദ്ധരിക്കുന്നത്. വിവാഹം കഴിഞ്ഞോ അതോ വിവാഹ നിശ്ചയം ആണോയെന്നുള്ള സംശയങ്ങളാണ്ചിലർ പങ്ക് വയ്ക്കുന്നത്. മറ്റുചിലർ ഇരുവർക്കും ആശംസകൾ അർപ്പിച്ചും രംഗത്ത് എത്തുന്നുണ്ട്.