പൗര്‍ണമിത്തിങ്കള്‍ എന്ന പരമ്പരയിലൂടെ മിനി സ്ക്രീൻ പ്രേക്ഷരുടെ മുന്നിലെത്തുന്ന താരമാണ് ചിത്ര ഷേണോയ്. ഒരുപക്ഷെ കഥാപാത്രങ്ങളുടെ പേരിലാവും ചിത്രയെ പ്രേക്ഷകര്‍ കൂടുതല്‍ അറിയുന്നത്. പൗര്‍ണമിത്തിങ്കളില്‍ രാജലക്ഷ്മി എന്ന കഥാപാത്രമാണ് ചിത്ര ചെയ്യുന്നത്. ഇപ്പോഴിതാ ഈ വേഷത്തെ കുറിച്ച് വിശദീകരിക്കുകയാണ് താരം.
പൗര്‍ണമിത്തിങ്കളിലെ രാജലക്ഷ്മിയുടെ ക്യാരക്ടര്‍ എനിക്ക് വലിയ ചലഞ്ചിങ്ങായിരുന്നു. കഴിഞ്ഞ പരമ്പരയായ സ്ത്രീധനം വലിയ ഹിറ്റായിരുന്നു. നെഗറ്റീവ് ഷെയ്ഡുള്ള കഥാപാത്രമായിരുന്നു എന്റേത്. അങ്ങനെയാകുമ്പോൾ നല്ലൊരു കഥാപാത്രമായി വേഷമിടുമ്പോൾ പ്രേക്ഷകര്‍ എങ്ങനെ എടുക്കും എന്ന പേടിയുണ്ടായിരുന്നു. പക്ഷെ എന്നെ സ്വീകരിച്ച എല്ലാവര്‍ക്കും നന്ദി പറയുന്നു’ എന്നും ചിത്ര പറഞ്ഞു.
തമിഴ്‌നാട്ടിലെ ഒരു ബ്രാഹ്മണ കുടുംബത്തില്‍ ജനിച്ച ചിത്ര ടെലിവിഷന്‍ പരമ്പരകളിലൂടെ തന്നെയാണ് അഭിനയരംഗത്ത് തുടക്കമിടുന്നത്. ഇതു വരെ ഏകദേശം 270 സിനിമകളിലും ചിത്ര വേഷമിട്ടു. കന്നഡ ടിവി സീരിയലുകളില്‍ 3500ത്തിലധികം എപ്പിസോഡുകള്‍ അഭിനയിക്കുകയും ചെയ്തു. മലയാളത്തില്‍ രാജമാണിക്യം, അലിഭായി ,ഡോണ്‍ തുടങ്ങിയ ചിത്രങ്ങളിലഭിനയിച്ചു.
Post Your Comments