മലയാളി പ്രേക്ഷകരുടെ പ്രിയതാരം മമ്മൂട്ടിയുടെ പുറത്തിറങ്ങുന്ന ചിത്രങ്ങളെല്ലാം സൂപ്പര്‍ ഹിറ്റുകളാണ് .താരത്തിന്റെ ഏറ്റവും പുതിയ ചിത്രത്തിന്റെ വിശേഷമാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്.മമ്മൂട്ടി- അജയ് വാസുദേവ് ചിത്രം ഷൈലോക്കിന്റെ നിര്‍മ്മാതാവായ ജോബി ജോര്‍ജ് ഷൈലോക്കിനെ കുറിച്ച് ഓഡിയോ ലോഞ്ചില്‍ പറഞ്ഞ വാക്കുകള്‍ ആണ് ആരാധകരെ ഏറെ ആവേശം കൊള്ളിച്ചിരിക്കുന്നത്. മമ്മൂട്ടിയെ നായകനാക്കി നിതിന്‍ രഞ്ജി പണിക്കര്‍ ഒരുക്കിയ കസബയും അതുപോലെ ഷാജി പാടൂര്‍ ഒരുക്കിയ അബ്രഹാമിന്റെ സന്തതികളും നിര്‍മ്മിച്ച ആളാണ് ജോബി ജോര്‍ജ്.
അദ്ദേഹം പറയുന്നത് അജയ് വാസുദേവ് സംവിധാനം ചെയ്ത ഷൈലോക്ക് മമ്മൂട്ടി അവതരിപ്പിച്ച എസ് ഐ രാജന്‍ സക്കറിയ, എബ്രഹാം എന്നിവരേക്കാളും നൂറിരട്ടി മുകളില്‍ നില്‍ക്കുമെന്നാണ്. ഗുഡ് വില്‍ എന്റര്‍ടൈന്‍മെന്റ്സിന്റെ ബാനറില്‍ ജോബി ജോര്‍ജ് നിര്‍മ്മിച്ച ഈ ചിത്രം രചിച്ചിരിക്കുന്നത് നവാഗതരായ അനീഷ് ഹമീദ്, ബിബിന്‍ മോഹന്‍ എന്നിവര്‍ ചേര്‍ന്നാണ്.
മമ്മൂട്ടിയോടൊപ്പം ഒരു വലിയ താര നിര തന്നെ എത്തുന്ന ഈ മാസ്സ് ചിത്രം അജയ് വാസുദേവിന്റെ മൂന്നാമത്തെ സംവിധാന സംരംഭമാണ്. തമിഴ് നടന്‍ രാജ് കിരണും ഷൈലോക്കില്‍ മമ്മൂട്ടിക്കൊപ്പം തുല്യ പ്രാധാന്യം ഉള്ള വേഷമാണ് ചെയ്യുന്നത്.താരത്തിന്റെ ഏറ്റവും പുതിയ ഈ മാസ് ചിത്രത്തിനായി കാത്തിരിക്കുകയാണ് ആരാധകര്‍. ഈ വരുന്ന ജനുവരി 23 നു ആഗോള റിലീസായി ചിത്രം തിയേറ്ററുകളില്‍ എത്തുകയാണ്.
Post Your Comments