പുറത്താകാതിരിക്കാൻ പേർളിഷ് പോലൊരു പ്രണയം അവതരിപ്പിക്കാൻ പദ്ധതിയിട്ട് സുജോയും സാൻഡ്രയും ; ഇരുവരുടെയും കണക്കുകൂട്ടൽ പൊളിച്ച് ബിഗ് ബോസ്

ബിഗ്‌ ബോസ് രണ്ടാം സീസൺ തുടങ്ങിയത് മുതൽ കേട്ടുവരുന്നതാണ് സുജോ-സാൻഡ്ര പ്രണയകഥ. ‘സുജാൻഡ്ര’ എന്ന് പേരിട്ട ഈ പ്രണയം ഒരാഴ്ച പിന്നിട്ടപ്പോൾ തന്നെ ഏകദേശം വൈറലായി തുടങ്ങിയതാണ്. എന്നാൽ ഇപ്പോൾ ഈ പ്രണയകഥ ഏതാണ്ട് പരിസമാപ്തിയിൽ എത്തി എന്ന് പറയാം. ഇരുവരും ഒടക്കിപ്പിരിഞ്ഞതൊന്നുമല്ല കാരണം, രണ്ടുപേരും കൂടി ഒരു പ്രണയ പ്ലോട്ട് തയ്യാറാക്കിയണ് ഇവരുടെ കള്ളക്കളി പൊളിച്ചത്.

പ്രണയം അഭിനയിച്ചു കുറച്ചുനാൾ ബിഗ്‌ ബോസ് വീട്ടിൽ പിടിച്ചു നിൽക്കാനായിരുന്നു ഇവർ പദ്ധതിയിട്ടത്. പക്ഷെ ഇരുവർക്കുമിടയിൽ നടന്ന രാത്രി സംഭാഷണം ബിഗ്‌ ബോസ് പുറത്തുവിട്ടുകഴിഞ്ഞു.

ഈ പ്രണയനാടകം ഇരുവർക്കും പബ്ലിസിറ്റി നല്കുന്നതാണെന്നാണ് സാൻഡ്രയുടെ കണ്ടെത്തൽ. അതു ചിലപ്പോൾ ഗുണമോ ദോഷമോ ചെയ്യുന്നതായിരിക്കുമെന്നു സാൻഡ്ര പറയുന്നു. എലിമിനേഷനിൽ നിന്ന് രക്ഷപെട്ടു വീട്ടിൽ തുടരാനുള്ള ഒരു അവസരമായിരിക്കും ഇതെന്നായിരുന്നു സുജോയുടെ കണക്കുകൂട്ടൽ. കഥയുണ്ടാക്കാൻ പറ്റിയ കണ്ടെന്റ് ആണ് ഇരുവരുമെന്നും സുജോ വിശ്വസിക്കുന്നു.

“അവർ പ്രേമിക്കുവാണോ? എന്താണ് നടക്കുന്നത്?… ആ ഒരു ക്യൂരിയോസിറ്റി ഇല്ലേ അതാണ് അവർ വികസിപ്പിക്കുന്നത്. നമ്മൾ അങ്ങനെയാണെന്ന് തെറ്റിദ്ധരിച്ചിട്ടെങ്കിലും നമ്മളെ കുറച്ചുകൂടെ കൊണ്ടുപോകാൻ ശ്രമിക്കും” സാൻഡ്ര പറയുന്നു.

ഇതിനോടകം തങ്ങൾക്കിടയിൽ എന്തോ ഉണ്ടെന്ന രീതിയിലുള്ള കാര്യങ്ങളാണ് ബിഗ് ബോസ് പുറത്തേക്ക് വിടുന്നതെന്നാണ് സാൻഡ്രയുടെ കണക്കുകൂട്ടൽ. “അവർക്കു ടി ആർ പി കൂട്ടാനും കുറച്ചു മസാല ഇടാനും ഉള്ളത് നമ്മുടെ കണ്ടെന്റ് ആണ്. രജിത്തേട്ടൻ ഒരു കണ്ടെന്റ് ആണ് അതുപോലൊരു കണ്ടെന്റ് ആണ് നമ്മളും”, ഇതാണ് സാൻഡ്രയുടെ കണ്ടെത്തലുകൾ. എല്ലാം കേട്ടിട്ട് സംഗതി വർകൗട്ട് ആകുമെന്നാണ് സുജോയും ചിന്തിക്കുന്നത്. പക്ഷെ പദ്ധതിയിടുന്നതിനു മുന്നേ എല്ലാം ചീട്ടുകൊട്ടാരം പോലെ തകർന്നടിയുന്ന കാഴ്ചയായിരുന്നു ആ രംഗങ്ങൾ. പേർളിഷ് പോലൊരു പ്രണയം വീടിനുള്ളിൽ അവതരിപ്പിക്കാമെന്ന ഇരുവരുടെയും കണക്കുകൂട്ടൽ ഏകദേശം പൊളിഞ്ഞിട്ടുണ്ട്.