നിത്യഹരിത നായകന്‍ പ്രേം നസീറിന്റെ 31-ാംചരമവാര്‍ഷികത്തില്‍ അദ്ദേഹത്തിന് വേണ്ടി ഡബ്ബ് ചെയ്ത ഒര്‍മ പങ്കുവെച്ചിരിക്കുകയാണ് നടന്‍ ഷമ്മി തിലകന്‍. പ്രേം നസീര്‍ അവസാനം അഭിനയിച്ച ചിത്രങ്ങളിലൊന്നായ കടത്തനാടന്‍ അമ്പാടി അദ്ദേഹത്തിന്റെ മരണത്തിന് ശേഷമാണ് പുറത്തിറങ്ങിയത്. ചിത്രത്തിന്റെ ഡബ്ബിങ് പൂര്‍ത്തിയാക്കുന്നതിന് മുന്‍പ് നസീര്‍ അന്തരിച്ചു. തുടര്‍ന്ന് ഷമ്മി തിലകനാണ് നസീറിന്റെ കഥാപാത്രത്തിനു വേണ്ടി ശബ്ദം നല്‍കിയത്. ഫേസ്ബുക്ക് കുറിപ്പിലയുടെയാണ് അദ്ദേഹം ഈ കാര്യം പറയുന്നത്.
കുറിപ്പിന്റയെ പൂർണരൂപം………………….
#ഓർമ്മദിനം…!!
മലയാളത്തിൻറെ എക്കാലത്തെയും നിത്യഹരിത നായകൻ പ്രേംനസീർ സാറിന്റെ മുപ്പത്തിയൊന്നാം ഓർമ്മദിനം..!
വാരികകളിലും മറ്റും വന്നിരുന്ന നസീർ സാറിന്റെ ചിത്രങ്ങൾ നോട്ടുപുസ്തകത്തിൽ ഒട്ടിച്ച്, ആരാധനയോടെ മാത്രം അദ്ദേഹത്തെ നോക്കിക്കണ്ടിരുന്ന ഞാൻ..;
#കടത്തനാടൻ_അമ്പാടി എന്ന ചിത്രത്തിൽ,
വശ്യമനോഹരങ്ങളായ ആ ചുണ്ടുകളിൽ തന്നെ നോക്കി നോക്കി നിന്ന്..;
അദ്ദേഹത്തിന്റെ രീതികളിൽ..;
അദ്ദേഹത്തിന്റേത് എന്ന് തോന്നിപ്പിക്കുന്ന ശബ്ദത്തിൽ…; അദ്ദേഹത്തിന് വേണ്ടി ‘ഡബ്ബ്’ ചെയ്ത്..; മലയാള സിനിമയിൽ പിച്ചവെയ്ക്കാൻ സാധിച്ച എനിക്ക്…;
സാറിന്റെ ഓർമ്മകൾ ഈ ദിനത്തിൽ അല്പം അസ്വസ്ഥമാക്കുന്നുവെങ്കിലും..;
എന്റെ ആ ആരാധനാ മൂർത്തി എന്നിലൂടെ പുനർജനിച്ച ആ നിമിഷങ്ങളുടെ ഓർമ്മകൾ..!
സുഖദുഃഖ സമ്മിശ്രങ്ങളായ ഓർമ്മകൾ..!!
നിങ്ങൾക്കായ് ഒപ്പം ചേർക്കുന്നു..!!
#ഭാഗ്യങ്ങളൊത്തിരിയെൻ_ജീവിതവീഥിയിൽ #ഭാഗമായിട്ടുണ്ടത്_മുജ്ജന്മ_നേട്ടമെൻ..!
അതെ…!!
പ്രേം നസീർ എന്റെ ഒരു ജീവിതഭാഗ്യമാണ് എന്ന് എനിക്ക് അഭിമാനിച്ചു കൂടേ സുഹൃത്തുക്കളേ…!?
Post Your Comments