മിഥുന്‍ മാനുവല്‍ സംവിധാനം ചെയ്ത അഞ്ചാം പാതിര ഈ വര്‍ഷത്തെ ആദ്യ സൂപ്പര്‍ഹിറ്റ് ചിത്രം ആയിരിക്കുകയാണ്. ത്രില്ലര്‍ ഗണത്തില്‍ പെടുന്ന ചിത്രത്തില്‍ കുഞ്ചാക്കോ ബോബനാണ് നായകനായി എത്തിയിരിക്കുന്നത്. ഇപ്പോഴിതാ മിഥുന്റെ അടുത്ത ചിത്രത്തില്‍ മോഹന്‍ലാലും പൃഥ്വിരാജും ഫഹദ് ഫാസിലും ഒന്നിക്കുന്നു എന്ന തരത്തിലുള്ള റിപ്പോര്‍ട്ടുകൾ പുറത്തിറങ്ങിയിരുന്നു. പൃഥ്വിരാജും ഫഹദ് ഫാസിലും നായകന്മാരാകുമ്പോള്‍ മോഹന്‍ലാല്‍ വില്ലനായി എത്തുന്നു എന്നായിരുന്നു വാര്‍ത്ത. ഇപ്പോള്‍ ഈ വാര്‍ത്തയെ കുറിച്ച് പ്രതികരണവുമായി മിഥുന്‍ തന്നെ രംഗത്തെത്തിയിരിക്കുകയാണ്. ഇങ്ങനെയൊന്ന് ഞാന്‍ പറഞ്ഞിട്ടില്ലെന്നും തന്റെ കൈയ്യില്‍ ഇതിനുള്ള കഥയില്ലെന്നും മിഥുന്‍ പറഞ്ഞു. ഇത് വ്യാജ വാര്‍ത്ത ആണെന്നാണ് മിഥുന്‍ വ്യക്തമാക്കുന്നത്. തന്റെ ഫേസ്ബുക്കില്‍ കുറിച്ച കുറിപ്പിലൂടെ ആയിരുന്നു മിഥുന്റെ പ്രതികരണം.
ഫേസ്ബുക്ക് പോസ്റ്റിന്റെ പൂര്‍ണരൂപം…………………
Heavy combo of actors.. – ഇവരുടെ മൂന്നാളുകളുടെ കൂടെ എന്റെ ഫോട്ടോ കാണുമ്പോള്‍ വല്ലാത്ത സന്തോഷം ഉണ്ട്.. ???? പക്ഷേ, ഇങ്ങനെയൊന്ന് ഞാന്‍ പറഞ്ഞിട്ടില്ല.. കാരണം എന്റെ കയ്യില്‍ അങ്ങനൊരു കഥ ഇല്ല.. ???? പലരും ആവര്‍ത്തിച്ചാവര്‍ത്തിച്ചു അന്വേഷിക്കുന്നത് കൊണ്ട് ഇതൊരു ഔദ്യോഗിക പ്രതികരണമായി ദയവായി കണക്കാക്കുക..
Post Your Comments