മലയാള സിനിമ താരം ദീപക് പറമ്പോല്‍ പങ്കുവച്ച ചിത്രത്തിലെ സുന്ദരി ആരെന്നായിരുന്നു ആരാധകര്‍ തിരഞ്ഞു കൊണ്ടിരുന്നത്. സുന്ദരിയുടെ കവിളില്‍ തലോടുന്ന ചിത്രമാണ് ദീപക് പങ്കുവച്ചത്. ദീപകിന്‍റെ മുഖത്തെ ഭാവവും ആരാധകരുടെ ആകാംഷയ്ക്ക് ആക്കം കൂട്ടി. നിമിഷങ്ങള്‍ക്കം തന്നെ ചിത്രം സോഷ്യൽ മീഡിയയിൽ തരംഗമായിരിക്കുകയാണ്.
ഇതിനിടെ ചിത്രത്തിന് കമന്‍റുമായി നടന്‍ ഗണപതിയുമെത്തി. വിടെടാ അവളെ എന്നായിരുന്നു ഗണപതിയുടെ കമന്‍റ്. പിന്നെ ആരാണിതെന്നറിയാതെ ആരാധകര്‍ക്ക് സമാധാനം കിട്ടില്ലെന്ന അവസ്ഥയായി. ഒടുവില്‍ ചിത്രത്തിലെ ആളെ കണ്ടെത്തിരിക്കുകയാണ് ആരാധകർ. മലയാള സിനിമയിലെ യുവ സംവിധായകനായ മൃദുല്‍ നായരുടെ ചിത്രമായിരുന്നു അത്.
ദീപക് അഭിനയിക്കുന്ന ഇന്‍സ്റ്റ ഗ്രാമം എന്ന വെബ് സീരിസില്‍ നിന്നുമുള്ളതാണ് ചിത്രം. അഭിനയത്തിലും മൃദുല്‍ കെെ വച്ചിട്ടുണ്ട്. നേരത്തെ പൃഥ്വിരാജ് ചിത്രം ഡ്രെെവിങ് ലെെസന്‍സിലും മൃദുല്‍ അഭിനയിച്ചിരുന്നു. ആസിഫ് അലി നായകനായ ബിടെക് സംവിധാനം ചെയ്തത് മൃദുലായിരുന്നു. ആസിഫ് അലി, സൗബിന്‍ ഷാഹിര്‍ എന്നിവരെ പ്രധാന കഥാപാത്രങ്ങളാക്കി തട്ടും വെള്ളാട്ടം ആണ് മൃദുലിന്‍റെ പുതിയ ചിത്രം.
Post Your Comments