നടനും സംവിധായകനുമായ ബാലചന്ദ്രമേനോന് ജന്മദിനാശംസകളുമായി സംവിധായകന്‍ വി എ ശ്രീകുമാര്‍. അദ്ദേഹത്തിന്റെ സിനിമയില്‍ അഭിനയിച്ചാല്‍ മാത്രമെ സൂപ്പര്‍ സ്റ്റാര്‍ പദവി ലഭിക്കൂ എന്ന് ഒരു കാലത്തു നമ്മുടെ താരങ്ങള്‍ വിശ്വസിച്ചിരുന്നുവെന്ന് ശ്രീകുമാര്‍ കുറിക്കുന്നു. മലയാളത്തിന്റെ യഥാര്‍ത്ഥ ലേഡി സൂപ്പര്‍ സ്റ്റാറുകളെ സമ്മാനിക്കാനായതും ഇദ്ദേഹത്തിന് തന്നെയെന്നും ശ്രീകുമാര്‍ പറയുന്നു.
വി എ ശ്രീകുമാറിന്റെ ഫെയ്സ്ബുക്ക് പോസ്റ്റ്
സിനിമയുടെ സമസ്ത മേഖലയിലും തന്റെ കയ്യൊപ്പു പതിപ്പിച്ച ഒരു യഥാര്‍ത്ഥ സൂപ്പര്‍ സ്റ്റാര്‍.
ബാലചന്ദ്ര മേനോന്റെ സിനിമയില്‍ അഭിനയിച്ചാല്‍ മാത്രമെ സൂപ്പര്‍ സ്റ്റാര്‍ പദവി ലഭിക്കൂ എന്ന് നമ്മുടെ താരങ്ങള്‍ ഒരു കാലത്തു വിശ്വസിച്ചിരുന്നു. ശോഭന, പാര്‍വതി, കാര്‍ത്തിക, ആനി. മലയാളത്തിന്റെ യഥാര്‍ത്ഥ ലേഡി സൂപ്പര്‍ സ്റ്റാറുകളെ സമ്മാനിക്കാനായതും ഇദ്ദേഹത്തിന് തന്നെ. ഒരു ‘ബാലചന്ദ്ര മേനോന്‍ സിനിമ എങ്ങനെയായിരിക്കും എന്ന് ആര്‍ക്കും പ്രവചിക്കാന്‍ കഴിയുമായിരുന്നില്ല. അദ്ദേഹത്തിന്റെ സിനിമകളില്‍ ഞാന്‍ ആദ്യമായി കാണുന്നത് കലിക എന്ന ഹൊറര്‍ ചിത്രമാണ്. ഇതേ മനുഷ്യനാണ് ‘ഏപ്രില്‍ 18 ‘ എന്ന ഏറ്റവും മനോഹരമായ ഒരു ചിത്രം ഒരുക്കിയതും. ഇദ്ദേഹത്തെ ആദരിക്കുന്നതിനു എനിക്ക് ഈ വരികള്‍ മതിയാകില്ല.
ജന്മദിനാശംസകള്‍ ചേട്ടാ..
നിങ്ങള്‍ മലയാള സിനിമയുടെ ഒരു സുപ്രധാന ഏടാണ്..
Post Your Comments