സംഗീതലോകത്തിന്റെ തീരാ നഷ്ടമാണ് 2018 ഒക്ടോബർ രണ്ടിന് സംഭവിച്ചത്. ബാലഭാസ്കർ എന്ന ഗായകനെ എന്നേക്കുമായി നമുക്ക് നഷ്ടമായത് അന്നേ ദിവസമാണ്. ഇന്നും ചോദ്യചിഹ്നമായി ബാലുവിന്റെ മരണം നിൽക്കുമ്പോഴാണ് ബാലുവിന്റെ ആരാധകർക്ക് ഉള്ളിൽ തട്ടുന്ന വേദനയും,എന്നാൽ അതിലേറെ അൽപ്പം ആശ്വാസവും നൽകി ഒൻപതാം ക്‌ളാസ്സുകാരിയായ ആൻസി എത്തിയത്.
ബാലുവിന്റെ മരണ ശേഷം, അദ്ദേഹം ബാക്കിയാക്കിപ്പോയ കാര്യങ്ങൾ ചെയ്യണം എന്നാണ് ഈ കൊച്ചുമിടുക്കിയുടെ ആഗ്രഹം. ടോപ് സിംഗർ വേദിയിൽ എത്തിയാണ് ആൻസി എന്ന തേജസ്വിനി മനസ്സ് തുറക്കുന്നത് . ബാലുവിന് അപകടം പറ്റുന്ന ദിവസം വരെ തനിക്ക് ബാലു അങ്കിളിനെ അറിയില്ലായിരുന്നു. അദ്ദേഹത്തിന്റെ സഞ്ചയന ദിവസമാണ് അദ്ദേഹത്തിന്റെ വീട്ടിൽ പോയതും ഉള്ളിൽ ബാലഭാസ്കർ എന്ന പേര് ആവർത്തിച്ചു വരുന്നതെന്നും ആൻസി പറയുന്നു. പിന്നീടാണ് വയലിൻ വായിക്കാൻ ആരംഭിക്കുന്നതും, ഗസറ്റിൽ പരസ്യം നൽകി മകളുടെ പേര് സ്വീകരിക്കുന്നതെന്നും ആൻസി എന്ന തേജസ്വിനി പറയുന്നു.
എനിക്കറിയില്ല എന്ത് കൊണ്ടാണ് ഇങ്ങനെ ആയതെന്നും, ഇങ്ങനെ ചിന്തിക്കാൻ തോന്നിയതെന്നും, നവംബറിൽ ആണ് ആദ്യമായി വയലിൻ വാങ്ങിയത്. ശേഷം ബാലു അങ്കിളിന്റെ വീഡിയോ കണ്ട ഇന്സ്പിരെഷനിൽ വയലിൻ വായിച്ചു തുടങ്ങി. ഇപ്പോൾ കുറെയധികം പ്രോഗ്രാമുകൾ അവതരിപ്പിച്ചു. തേജസ്വിനി വ്യക്തമമാക്കി. എല്ലാം കേട്ട് കഴിഞ്ഞപ്പോൾ ഇതെല്ലാം നിമിത്തവും ബാലഭാസ്കറിന്റെ ആത്മാവിന്റെ അനുഗ്രഹവും ആണ് എന്നാണ് എം ജി ശ്രീകുമാറും ഒപ്പമുള്ള ജഡ്ജസും പ്രതികരിച്ചത്.
ആൻസി പങ്കെടുത്ത വീഡിയോ ഇപ്പോൾ സോഷ്യൽ മീഡിയയിൽ തരംഗമാണ്. രണ്ടു രീതിയിലാണ് ആളുകൾ ഇതിനെ സ്വീകരിക്കുന്നത്. ഇതിൽ വാസ്തവം ഒന്നും ഇല്ല, ആ പെൺകുട്ടി പറയുന്നത് അത്രയും കാണാപാഠം പഠിച്ച് പറയുന്നതാണെന്നും ഇത് ബാലുവിന്റെ ആത്മാവിനോടുള്ള വഞ്ചനയാണെന്നും ഒരു വിഭാഗം അഭിപ്രായപെടുമ്പോൾ, മറ്റുചിലർ ബാലു ബാക്കി വെച്ചിട്ട് പോയ ആ ആഗ്രഹം മോൾ സഫലമാക്കണം മോളിലൂടെ ആ ആഗ്രഹം സഫലമാകട്ടെ അതു കണ്ട് ബാലുവിന്റെ ആത്മാവ് സന്തോഷിക്കുമെന്നും മറുവിഭാഗം അഭിപ്രായം പറയുന്നുണ്ട്.
Post Your Comments