മലയാള സിനിമാലോകത്തിന്റെ പ്രിയ താരജോഡികളാണ് ഇന്ദ്രജിത്തും പൂര്‍ണിമയും ഇരുവരും തങ്ങളുടെ വിശേഷങ്ങള്‍ സോഷ്യല്‍ മീഡിയയില്‍ പങ്കുവെച്ച് എത്താറുണ്ട്. പലപ്പോഴും തങ്ങളുടെ പുതിയ വിശേഷങ്ങളും ചിത്രങ്ങളുമെല്ലാം പങ്കുവെച്ചുകൊണ്ടാണ് ഇരുവരും എത്താറുളളത്. സിനിമാ തിരക്കുകളില്‍ നിന്നും മാറി അടുത്തിടെ അവധി ആഘോഷിക്കാന്‍ താരജോഡികള്‍ വിദേശത്തേക്ക് പോയിരുന്നു. ഇത്തവണ ക്രിസ്മസ് വിദേശത്തുവെച്ചാണ് ഇന്ദ്രജിത്തും പൂര്‍ണിമയും ആഘോഷിച്ചിരുന്നത്.
യാത്രയ്ക്ക് മക്കളും പൂര്‍ണിമയുടെ കുടുംബവും കൂടെ ഉണ്ടായിരുന്നു. വിദേശ യാത്രയ്ക്കിടെ എടുത്ത പുതിയ ചിത്രങ്ങള്‍ പൂര്‍ണിമ തന്റെ ഇന്‍സ്റ്റഗ്രാം പേജില്‍ പങ്കുവെച്ചിരുന്നു. ഇന്ദ്രജിത്തിനും മക്കളായ പ്രാര്‍ത്ഥന, നക്ഷത്ര തുടങ്ങിയവര്‍ക്കൊപ്പമെടുത്ത ചിത്രങ്ങളാണ് പൂര്‍ണിമ പോസ്റ്റ് ചെയ്തത്. ഈ ചിത്രങ്ങള്‍ ആരാധകര്‍ ഏറ്റെടുത്തിരുന്നു.
ഏറെകാലത്തിന് ശേഷം ആഷിക്ക് അബു സംവിധാനം ചെയ്ത ചിത്രം വൈറസിലൂടെയാണ് പൂര്‍ണിമ ഇന്ദ്രജിത്ത് സിനിമാ ലോകത്തിലേക്ക് തിരിച്ചെത്തിയത്. ഇതുകൂടാതെ നിവിന്‍ പോളി നായകനായ തുറമുഖം എന്ന ചിത്രത്തിലും പൂര്‍ണിമ അഭിനയിച്ചിരുന്നു. രാജീവ് രവി സംവിധാനം ചെയ്യുന്ന സിനിമയുടെ ഷൂട്ടിംഗ് നിലവില്‍ പുരോഗമിച്ചുകൊണ്ടിരിക്കുകയാണ്. ലൂസിഫറിന് പിന്നാലെ ഇന്ദ്രജിത്തും മലയാളത്തില്‍ സജീവമായികൊണ്ടിരിക്കുകയാണ്, കൈനിറയെ ചിത്രങ്ങളുമായിട്ടാണ് നടന്‍ മുന്നേറികൊണ്ടിരിക്കുന്നത്.മലയാളത്തിന് പുറമെ തമിഴിലും താരം മികച്ച മുന്നേറ്റമാണ് നടത്തിയിരിക്കുന്നത് എംജി ആറിന്റെ വേഷത്തില്‍ എത്തിയ ചിത്രത്തിന് മികച്ച പ്രേക്ഷക സ്വീകാരിതയാണ് തമിഴ് ലോകത്തില്‍ നിന്നും ലഭിച്ചത്.
Post Your Comments