കഴിഞ്ഞ വർഷം മാത്രം നാല് ചിത്രങ്ങളിലാണ് സെെജു കുറുപ്പ് പോലീസ് വേഷങ്ങളിലെത്തിയത്. വാര്‍ത്തകള്‍ ഇതുവരെ, പ്രതി പൂവന്‍ കോഴി, ജാക്ക് ആന്‍റ് ഡാനിയല്‍, പ്രണയമീനുകളുടെ കടല്‍, നാലിലേതും വ്യത്യസ്തമായ പോലീസുകാരായിരുന്നു. തനിക്ക് പോലീസ് വേഷങ്ങള്‍ ചെയ്യാന്‍ വളരെയധികം ഇഷ്ടമാണെന്നാണ് സെെജു പറയുന്നത്. ചെറുപ്പത്തില്‍ ആരാകണം എന്നു ചോദിക്കുമ്പോള്‍ പറഞ്ഞിരുന്നത് പോലീസ് ആകണമെന്നായിരുന്നുവെന്നും സെെജു കുറുപ്പ് പറയുന്നു. മനോരമ ഓണ്‍ലെെനിന് നല്‍കിയ അഭിമുഖത്തിലായിരുന്നു സെെജുവിന്‍റെ പ്രതികരണം.
അതേസമയം, തന്നോട് ഒരുപാട് പോലീസ് വേഷമായി, ഇനിയൊന്ന് മാറ്റിപ്പിടിച്ചൂടെയെന്ന് ചോദിക്കുന്നവര്‍ക്ക് മറുപടിയും സെെജു നല്‍കുന്നു. തന്നെ വച്ചുള്ള സിനിമകള്‍ വരുന്നുണ്ടല്ലോ എന്നാണ് തന്‍റെ ആശ്വാസം എന്നാണ് സെെജു പറയുന്നത്.
”ട്രിവാന്‍ഡ്രം ലോഡ്ജ് റിലീസ് ചെയ്യുന്നതിനു മുമ്പുള്ള എന്‍റെ അവസ്ഥ വളരെ മോശമായിരുന്നു. എനിക്ക് സിനിമകളുണ്ടായിരുന്നില്ല. അന്ന് ഈ പറയുന്ന ആളുകള്‍ ആരും എന്നെ വിളിച്ച് സിനിമ തന്നിട്ടില്ല. നമുക്ക് ജോലിയുണ്ടാവുകയല്ലേ പ്രധാനം. പിന്നെ കിട്ടുന്ന വേഷങ്ങള്‍ ഏറ്റവും ആത്മാര്‍ത്ഥമായി നല്ല രീതിയില്‍ ചെയ്യാന്‍ ഞാന്‍ നോക്കുന്നുണ്ട്”, സെെജു പറഞ്ഞു.
Post Your Comments