ബൈക്ക് അപകടത്തിൽ ദാരുണാന്ത്യം സംഭവിച്ച ആരാധകന്‍റെ മരണത്തിൽ നടൻ ഉണ്ണി മുകുന്ദൻ ഫേസ്ബുക്കിൽ കുറിച്ച വാക്കുകൾ ശ്രദ്ധ നേടിയിരിക്കുകയാണ്. പ്രിയപ്പെട്ട കുക്കു.. നിന്‍റെ ഓരോ മെസ്സേജും എനിക്കൊരു പ്രചോദനമായിരുന്നു” എന്നു കുറിച്ചുകൊണ്ടാണ് തന്‍റെ ആരാധകന് താരം ആദരാഞ്ജലി അർപ്പിച്ചിരിക്കുന്നത്.
“പ്രിയ കുക്കു.. നിന്നെ ഏറെ മിസ് ചെയ്യും…നീയൊരു വണ്ടര്‍ഫുള്‍ ബോയായിരുന്നു. നിന്‍റെ ഓരോ മെസ്സേജും എനിക്കൊരു പ്രചോദനമായിരുന്നു, എന്നെ മെച്ചപ്പെടുത്താനുള്ളവയായിരുന്നു. ഇന്ന് പുലര്‍ച്ചെ രണ്ടിനാണ് കുക്കുവിന് അപകടം സംഭവിച്ചത്. അവൻ ബൈക്ക് ഓടിച്ചപ്പോൾ ഹെൽമെറ്റ് വെച്ചിരുന്നില്ല എന്നാണ് അറിയാൻ കഴിഞ്ഞത്. എല്ലാ യുവജനങ്ങളും നിങ്ങളുടെ സുരക്ഷാ മാനദണ്ഡങ്ങൾ ശരിയായി പാലിക്കണേ എന്ന് അപേക്ഷിക്കുന്നു. ഇത് ന്യൂ ഇയര്‍ രാത്രിയാണെന്നറിയാം, പക്ഷേ നമുക്കെല്ലാം വലിയൊരു ജീവിതവും പൂര്‍ത്തീകരിക്കേണ്ട ഒരുപാട് സ്വപ്നങ്ങളും ബാക്കിയുണ്ടെന്ന് മറക്കല്ലേ”…എന്നാണ് താരം കുക്കുവിന് മുത്തം നൽകുന്ന ചിത്രം പങ്കുവെച്ചുകൊണ്ട് കുറിച്ചിരിക്കുന്നത്.
ആൾ കേരള ഉണ്ണി മുകുന്ദൻ ഫാൻസ്‌ & വെൽഫയർ അസോസിയേഷൻ ഇടുക്കി ജില്ലാ കമ്മിറ്റി പ്രസിഡന്റ്‌ ആയിരുന്നു കൃഷ്ണകുമാർ(കുക്കു).
Post Your Comments