ഭാവി ഭർത്താവ് രാജീവനെപ്പോലെയാണെങ്കിൽ താൻ രണ്ടാമത് ഒരു അവസരം നൽകും ; താമര തുമ്പി എന്ന സീരിയലിലെ അഭിരാമി തുറന്നുപറയുന്നു

കറുത്തമുത്ത് എന്ന ടെലിവിഷൻ പരമ്പരയിലൂടെ പ്രേക്ഷകർക്ക് സുപരിചതയായി മാറിയ താരമാണ് റിനി രാജ്. പരമ്പരയിൽ ബാലയായി എത്തിയ നായികയോട് പ്രേക്ഷകർക്ക് വലിയ ആരാധനയായിരുന്നു. ഒപ്പം താമര തുമ്പി എന്ന സീരിയലിലെ അഭിരാമി എന്ന കഥാപാത്രമായും താരം എത്തിയിരുന്നു. പത്തൊൻപതു വയസ്സുകാരിയായ റിനി അത്രയും പക്വതയോടാണ് ഈ കഥാപാത്രത്തെ നമുക്ക് മുൻപിലേക്ക് എത്തിച്ചത്. ഇപ്പോഴിതാ ടൈംസ് ഓഫ് ഇന്ത്യ ഓൺലൈന് നൽകിയ അഭിമുഖത്തിലൂടെ മനസ്സ് തുറക്കുകയാണ് താരം.

” ഞാൻ താമരത്തുമ്പിയിൽ എത്തുന്നതിനു മുൻപേ അഭിരാമി എന്ന കഥാപാത്രത്തെ അവതരിപ്പിച്ചത് നടി മാലിനി ആയിരുന്നു. അവരിൽ നിന്നാണ് ഞാൻ ആ കഥാപാത്രത്തെ ഏറ്റെടുക്കുന്നത് . ആദ്യമൊക്കെ അഭിരാമി ആയി മാറാൻ അൽപ്പസ്വല്പ്പം ബുദ്ധിമുട്ടുകൾ തോന്നിയെങ്കിലും പിന്നീടത് നന്നായി കൈകാര്യം ചെയ്യാൻ എനിയ്ക്കായി. അതിനുശേഷം പ്രേക്ഷകർ എന്നെ അഭിരാമിയായി കണ്ടുതുടങ്ങി” റിനി പറയുന്നു.

സ്‍മാർട്ട് യംഗ് വക്കീലായ രാജീവന്റെ കഥയാണ് താമരത്തുമ്പി പ്രേക്ഷകർക്ക് മുൻപിൽ എത്തിക്കുന്നത്. അതിലെ രാജീവ് എന്ന കഥാപാത്രത്തെ അവതരിപ്പിക്കുന്നത് ടെലിവിഷൻ മേഖലയിലെ സൂപ്പർ സ്റ്റാർ ഷാനവാസ് ആണ്.

അഭിരാമിയാണ് രാജീവിന്റെ ശരിക്കുള്ള ഭാര്യ എന്നാൽ, രാജീവന്റെ ക്ലയന്റുകളിലൊരാളായ വൈഗയെ അയാൾ നശിപ്പിക്കുകയും, അതോടെ ആ പെൺകുട്ടി ഗർഭിണിയാവുകയും ചെയ്യുന്നതോടെയാണ് കഥ അപ്രതീക്ഷിതമായ ട്വിസ്റ്റിലേക്ക് എത്തുന്നത്.

തന്റെ ഭാവി ഭർത്താവ് രാജീവനെപ്പോലെയാണെങ്കിൽ താൻ എങ്ങനെയാകും പ്രതികരിക്കുകയെന്നും നടി അഭിമുഖത്തിലൂടെ പറയുന്നു.

“ഞാൻ തീർച്ചയായും അദ്ദേഹത്തിന് രണ്ടാമത് ഒരു അവസരം നൽകും. അദ്ദേഹം തെറ്റ് സമ്മതിക്കുകയും എന്നെ വീണ്ടും ചതിക്കില്ലെന്ന് വാക്ക് തരികയും ചെയ്താൽ ഞാൻ അദ്ദേഹത്തെ പൂർണ്ണ മനസ്സോടെ സ്വീകരിക്കും. പക്ഷേ, കുറ്റസമ്മതം യഥാർത്ഥമായിരിക്കണം, വാക്ക് ഒരിക്കലും ലംഘിക്കരുത്,” സന്തോഷത്തോടെ റിനി പറഞ്ഞു നിർത്തി.

ചുരുങ്ങിയ സമയം കൊണ്ടാണ് , റിനിയും ഷാനവാസും തമ്മിലുള്ള കെമിസ്ട്രി ആരാധകർ ഹൃദയത്തിലേറ്റിയത്. ഇപ്പോൾ താമര തുമ്പി എന്ന പരമ്പരയ്ക്ക് നിരവധി ആരാധകരാണുള്ളത്.