റോഷന്‍ ആന്‍ഡ്രൂസ് മഞ്ജുവാര്യര്‍ ചിത്രം പ്രതി പൂവന്‍ കോഴിയില്‍ നടന്‍ അലന്‍സിയറും ഒരു ശ്രദ്ധേയമായ വേഷത്തില്‍ അഭിനയിക്കുന്നുണ്ട്. തനിക്ക് ചിത്രത്തില്‍ അവസരം നല്‍കിയ റോഷന്‍ ആന്‍ഡ്രൂസിനോട് നന്ദി പറയുകയാണ് അലന്‍സിയര്‍. എന്നാല്‍ റോഷന്‍ ചിത്രത്തില്‍ അഭിനയിച്ചത് വല്ലാത്ത ചതിവ് ആയി പോയെന്നാണ് അലന്‍സിയറുടെ തുറന്നു പറച്ചില്‍.
റോഷന്‍ ആന്‍ഡ്രൂസിനെ പോലെയുള്ള സംവിധായകര്‍ ക്യാമറയ്ക്ക് മുന്നില്‍ വരുന്നത് തങ്ങളെ പോലെയുള്ള നടന്മാര്‍ക്ക് വലിയ തിരിച്ചടിയാണെന്നാണ് ഒരു ടിവി ഷോയ്ക്കിടെ തമാശരൂപേണയുള്ള അലന്‍സിയറിന്റെ പരാമര്‍ശം, വെറുതെ ഞങ്ങളുടെ കഞ്ഞിയില്‍ മണ്ണ് വാരി ഇടുന്നത് എന്തിനാണെന്നും സംവിധായകര്‍ അവരുടെ ജോലി ചെയ്‌താല്‍ പോരെ എന്നും അലന്‍സിയര്‍ തമാശയോടെ ചോദിക്കുന്നു.
മാധുരി എന്ന തന്റെടി സ്ത്രീ കഥാപാത്രമായി മഞ്ജുവാര്യര്‍ നിറഞ്ഞു നില്‍ക്കുന്ന പുതിയ റോഷന്‍ ആന്‍ഡ്രൂസ് ചിത്രം ക്രിസ്മസ് ഹിറ്റായി മുന്നേറുകയാണ്. ചിത്രത്തിലെ ആന്റപ്പന്‍ എന്ന വില്ലന്‍ കഥാപാത്രത്തെ അവതരിപ്പിച്ചത് സംവിധായകര്‍ റോഷന്‍ ആന്‍ഡ്രൂസായിരുന്നു. ജോജു ജോര്‍ജ്ജിനെയായിരുന്നു ആന്റപ്പന്‍ എന്ന കഥാപാത്രം ചെയ്യാന്‍ റോഷന്‍ ആന്‍ഡ്രൂസ് ആദ്യം സമീപിച്ചത് എന്നാല്‍ ജോജു ജോര്‍ജ്ജിന് ആ കഥാപാത്രം സ്വീകരിക്കാന്‍ കഴിയാതെ വന്നതോടെ തന്റെ ചിത്രത്തിലെ ശക്തനായ പ്രതിനായക വേഷം റോഷന്‍ ആന്‍ഡ്രൂസ് സ്വയം ഏറ്റെടുക്കുകയായിരുന്നു.
Post Your Comments