പ്രേമം എന്ന മലയാള സിനിമയിലൂടെ പ്രേക്ഷകര്‍ നെഞ്ചേറ്റിയ നായികയാണ് മഡോണ സെബാസ്റ്റ്യൻ. ക്യൂട്ട് ചിരിയുമായി മലയാളി പ്രേക്ഷകരുടെ മനസ്സിൽ കുടിയേറിയ മഡോണയുടെ പുത്തൻ രൂപമാറ്റമാണ് ഇപ്പോൾ ആരാധകര്‍ ശ്രദ്ധിച്ചിരിക്കുന്നത്. തമിഴകത്തും തെലുങ്കിലും തിരക്കേറിയ നടി ഒടുവിൽ അഭിനയിച്ച മലയാളം ചിത്രങ്ങൾ വൈറസും ബ്രദേഴ്സ് ഡേയുമായിരുന്നു. അതിന് ശേഷം പൊടുന്നനെയുള്ള നടിയുടെ ലുക്ക് ചെയിഞ്ചാണ് ഇപ്പോൾ ആരാധകര്‍ക്കിടയിൽ ചര്‍ച്ചയാകുന്നത്.
മുടിയുടെ കളര്‍ ആകെ മാറ്റിയതാണ് നടിയുടെ രൂപമാറ്റത്തിൻ്റെ കാരണം. മുടിയുടെ സ്വാഭാവികമായ കറുപ്പു നിറം നഷ്ടപ്പെടുത്തി ലൈറ്റ് ആഷ് ബ്ലേഡ് ഷെയ്ഡ് നൽകിയിരിക്കുകയാണ് താരമിപ്പോൾ. താരത്തിൻ്റെ പുത്തൻ ലുക്കിനെ അനുകൂലിച്ചും പ്രതികൂലിച്ചും കമൻ്റുകളുമായി ആരാധകരെത്തുന്നുണ്ട്. ആരാധകര്‍ ക്രിസ്മസ് ന്യൂഇയര്‍ ആശംസകളും താരത്തിന് പങ്കുവെയ്ക്കുന്നുണ്ട്.
അൽഫോൻസ് പുത്രൻ സംവിധാനം ചെയ്ത പ്രേമം എന്ന വമ്പൻ ഹിറ്റ് ചിത്രത്തിൽ സെലിൻ എന്ന ട്രെൻഡ് സെറ്റര്‍ കഥാപാത്രമായാണ് മഡോണ മലയാള സിനിമയിലെത്തിയത്. പിന്നാലെ പ്രേമം തമിഴകത്തും തരംഗമായപ്പോൾ തമിഴിലും താരത്തിന് അവസരങ്ങളേറുകയായിരുന്നു. പിന്നാലെ തെലുങ്കിലേക്കും താരമെത്തി.
Post Your Comments