തമിഴകത്തിന്റെ സൂപ്പര്‍ താരമാണ് വിജയ് സേതുപതി തമിഴിന് പുറമെ അന്യഭാഷകളിലും നിരവധി ആരാധകരാണ് താരത്തിന് ഉള്ളത്. ഒരു നടന്‍ എന്നതിന് അപ്പുറം സംവിധായക മികവിലും താരം ഏറെ മുന്നിലാണ്. ലോകേഷ് കനകരാജ് ഒരുക്കുന്ന വിജയ് ചിത്രത്തിന്റെ ഷൂട്ടിംഗ് തിരക്കുകളിലാണ് ഇപ്പോള്‍ വിജയ് സേതുപതി. കര്‍ണാടകയിലെ ഷിമോഗയില്‍ ചിത്രത്തിന്റെ ഷൂട്ടിംഗ് പുരോഗമിക്കുകയാണ്. ഷൂട്ടിംഗ് തിരക്കുകള്‍ക്കിടയില്‍ തന്റെ ആരാധകന്റെ പിറന്നാള്‍ കേക്ക് മുറിച്ച് ആഘോഷിക്കുന്ന വിജയ് സേതുപതിയുടെ വീഡിയോയാണ് സോഷ്യല്‍ മീഡിയയില്‍ വൈറലാകുന്നത്. ആരാധകര്‍ മുഴുവന്‍ ഏറ്റെടുത്തിരിക്കുകയാണ് താരത്തിന്റെ ഈ പുതിയ വിശേഷം.
ഡല്‍ഹിയിലെയും ചെന്നൈയിലെയും ചിത്രീകരണത്തിന് ശേഷമാണ് ഷിമോഗയിലെ ഷൂട്ടിംഗിനായി സേതുപതി എത്തിയത്. വന്‍ സ്വീകരണമായിരുന്നു സേതുപതിക്ക് ആരാധകര്‍ ഷിമോഗയില്‍ ഒരുക്കിയത്. ഇതിനിടെയാണ് മക്കള്‍ സെല്‍വന്‍ ആരാധകന്റെ ജന്മദിനം ആഘോഷിച്ചത്. ഒരു ഗ്യാംഗ്സ്റ്റര്‍ ചിത്രമായാണ് ദളപതി 64 ഒരുക്കുന്നത്. ആന്‍ഡ്രിയ, ശന്തനു ഭാഗ്യരാജ്, മാളവിക മോഹനന്‍, ആന്റണി വര്‍ഗീസ്, ഗൗരി ജി കൃഷ്ണന്‍ തുടങ്ങിയവരും ചിത്രത്തില്‍ കേന്ദ്ര കഥാപാത്രങ്ങളായി എത്തുന്നുണ്ട് എക്സ്ബി ഫിലിം ക്രിയേറ്റേര്‍സിന്റെ ബാനറില്‍ സേവ്യര്‍ ബ്രിട്ടോ ആണ് ചിത്രം നിര്‍മ്മിക്കുന്നത്.പ്രിയതാരത്തിന്റെ ചിത്രത്തിന്റെ വരവിനായി കാത്തിരിക്കുകയാണ് ആരാധകര്‍.
Post Your Comments