മലയാളി മിനിസ്ക്രീൻ പ്രേക്ഷകരുടെ പ്രിയപ്പെട്ട സീരിയലാണ് ഉപ്പും മുളകും. ഇതിലെ ഓരോരുത്തരും മലയാളികളുടെ കുടുംബാംഗങ്ങളെ പോലെ തന്നെയാണ്. നീലുവും ബാലുവും മുടിയനും കേശുവും ശിവയും പാറുവും ഒക്കെയടങ്ങുന്ന പാറമടവീടും നെയ്യാറ്റിൻകരയിലെ അപ്പൂപ്പനും ശാരദയമ്മൂമ്മയും പടവലം വീട്ടിലെ കുട്ടൻപിള്ളമാമനും കുട്ടൻ മാമനും ജയന്തനും ശങ്കരണ്ണനും ഒക്കെ കൂടിക്കഴിയുമ്പോൾ ആകെ മേളമാണ്. മലയാളി മിനിസ്ക്രീൻ പ്രേക്ഷകരുടെ സീരിയൽ കാഴ്ചാശൈലിയെ തന്നെ തകിടം മറിച്ച സീരിയലാണ് ഉപ്പും മുളകും. ഉപ്പും മുളകും കഴിഞ്ഞദിവസമാണ് ലെച്ചുവിൻ്റെ വിവാഹം ആഘോഷമാക്കിയത്. യഥാര്ത്ഥ കല്യാണം മാറിനിൽക്കും വിധമായിരുന്നു വിവാഹം. ഇത് പ്രേക്ഷകര്‍ ഇരുകൈയ്യും നീട്ടി സ്വീകരിക്കുകയും ചെയ്തു.
എപ്പിസോഡിൽ ലെച്ചു അതിസുന്ദരിയായ കല്യാണപ്പെണ്ണായാണ് എത്തിയത്. നിറഞ്ഞസദസ്സിൽ സീരിയലിലെ ഓരോ കഥാപാത്രങ്ങളും വെട്ടിത്തിളങ്ങുന്ന പ്രകടനമാണ് കാഴ്ചവെച്ചത്. മലയാള സീരിയൽ ചരിത്രത്തിലാദ്യമായാകും ഇത്ര ആഘോഷത്തോടെ ഒരു കഥാപാത്രത്തിൻ്റെ വിവാഹം ആഘോഷിക്കുന്നത്. അതെല്ലാം പ്രേക്ഷകര്‍ ഏറെ അതിശയോക്തിയോടെ കണ്ടിരുന്നു. ഇപ്പോഴിതാ ലെച്ചുവിനെ വിവാഹത്തിന് അണിയിച്ചൊരുക്കിയ സെലിബ്രിറ്റി മേക്കപ്പ് ആര്‍ട്ടിസ്റ്റ് ജോയ ഇൻസ്റ്റാഗ്രാമിൽ കുറിച്ച വാക്കുകൾ സോഷ്യൽ മീഡിയയിൽ തരംഗമാവുകയാണ്. പലപ്പോഴും ഇത് ലെച്ചുവിൻ്റെ യഥാര്ത്ഥ വിവാഹമാണെന്ന് തോന്നിയെന്നാണ് മേക്കപ്പ് ആര്‍ട്ടിസ്റ്റ് കുറിച്ചിരിക്കുന്നത്.
ഉപ്പും മുളകും ലെച്ചുവിൻ്റെ വിവാഹ സ്പെഷ്യൽ എപ്പിസോഡിനായി മേക്കപ്പും ഹെയര്‍സ്റ്റൈലും ചെയ്തത് താനായിരുന്നു എന്ന് പറഞ്ഞുകൊണ്ടാണ് ജോയുടെ കുറിപ്പ് ആരംഭിക്കുന്നത്. തന്റെ ഫോണിലേക്കു അസിസ്റ്റന്റ് ഡയറക്ടർ ജിതിൻ ഒരു ഷൂട്ടുണ്ട്, ജോയ്ക്ക് ചെയ്യാൻ പറ്റുമോന്നു ചോദിച്ചു വിളിച്ചെന്നും തനിക്ക് ഒരുപാട് ഇഷ്ടമായ പ്രോഗ്രാം ആണ് ഉപ്പും മുളകും എന്നും അതിന്റെ എപ്പിസോഡ് സ്പെഷ്യൽ ലച്ചുവിന്റെ കല്യാണ മേക്കപ്പ് ആണെന്ന് പറഞ്ഞപ്പോൾ ഒരുപാട് സന്തോഷം ആയി എന്നും ജോ കുറിച്ചിരിക്കുന്നു.
ഒന്നും ആലോചിക്കാതെ ഓക്കേ പറഞ്ഞുവെന്നും ലച്ചുവിനൊപ്പം താൻ നേരത്തെയും വർക്ക്‌ ചെയ്തിട്ടുണ്ടെന്നും ജോ കുറിച്ചിരിക്കുന്നു. വർക്കിന്‌ 2ദിവസം മുൻപാണ് പറയുന്നത്, പിന്നെ ഓ‍ണമെൻ്റ്സ് അവർക്കു അറേഞ്ച് ചെയ്യാൻ പറ്റാത്തത് കൊണ്ട് കൊണ്ടുവരാനും പറഞ്ഞിരിന്നു, പെട്ടന്നായതു കൊണ്ട് ഞാൻ ഒരു ദിവസം കൊണ്ട് എല്ലാം കളക്ട് ചെയ്തു, ഷൂട്ടിന് ചെന്നുവെന്നും സത്യം പറഞ്ഞാൽ ഒത്തിരി ആസ്വദിച്ച് ചെയ്ത വർക്ക്‌ ആയിരുന്നു ഇതെന്നും സാധാരണ ഒരു ഫാമിലിയിൽ വെഡ്ഡിങ് മേക്കപ്പിനു ചെല്ലുന്നതു പോലെ തോന്നിയെന്നും ജോ കുറിച്ചിരിക്കുന്നു.
താൻ ഒരുപാട് മൂവിയ്ക്ക് വേണ്ടി വർക്ക്‌ ചെയ്തിട്ടുണ്ട്, പക്ഷേ ഈ സെറ്റ് ഒരു രക്ഷയും ഇല്ല. പല സമയങ്ങളിലും ഇത് ലച്ചുവിന്റെ ഒർജിനൽ മാര്യേജ് പോലെ തോന്നി, അതുപോലുള്ള അഭിനയമാണ് ആണ് എല്ലാവരുമെന്നും സ്പെഷ്യലി ബാലുച്ചേട്ടൻ, ചേച്ചി അതുപോലെ ഈ വർക്കിന്‌ ആദ്യം മുതൽ അവസാനം വരെ തന്നെ സഹായിച്ച ചെയ്ത എല്ലാ ക്രൂ മെമ്പേഴ്സിനും നന്ദി. പിന്നെ തന്നെ അസ്സിസ്റ്റ്‌ ചെയ്ത മുകേഷിനും നന്ദിയെന്നും ജോ ഇൻസ്റ്റാഗ്രാമിൽ ലെച്ചുവിൻ്റെ വിവാഹ വേഷത്തിലുള്ള ചിത്രത്തിനൊപ്പം കുറിച്ചു.’
Post Your Comments